Փաստ ինֆո

Արդեն երկրորդ անգամ կարևոր հարցի հետ կապված քննարկումը ԱԺ մեծամասնություն կազմող ուժը տապալում է։ ԱԺ-ում այսօր քննարկման դրված «Շուշիի հռչակագիրը» դատապարտող հայտարարության տապալումից լրագրողների հետ ճեպազրույցում այս մասին  ասաց ԱԺ փոխնախագահ Իշխան Սաղաթելյանը։ Նա հիշեցրեց, որ ՔՊ-ի կողմից տապալված առաջին փաստաթուղթը սահմանազատման և սահմանագծանն էր վերաբերում։

«ՀՀ ազգային ժողովը պարտավոր է իր վերաբերմունքը հայտնել այդ հակահայական փաստաթղթի հանդեպ։ «Հայաստան» դաշինքը հանդես էր եկել հայտարարության տեքստով, որի մեջ գրված էր ընդամենն այն, որ օկուպացված Շուշիում ստորագրված փաստաթուղթն անընդունելի է մեզ համար։

Քաղաքական մեծամասնությունը, առանց լուրջ փաստարկի, բոյկոտեց այս նախագիծը։ Սրանով հստակ արձանագրել է  պետք, որ քաղաքական մեծամասնությունը վավերացնում է այդ փաստաթուղթն ու սպասարկում թուրք-ադբեջանական շահերը»,-հայտարարեց Սաղաթելյանը ՝ հավելելով, որ «Շուշիի հռչակագիրն» ամբողջութայմբ ուղղված է Հայաստանի դեմ։

Սաղաթելյանը նշեց, որ   քաղաքական մեծամասնությունից որևէ մեկն այսուհետ եթե ասի, որ հայ-թուրքական հարաբերությունների հարցում նախապայման չկա,  երեսպաշտություն և ժողովրդին ձեռ առնելու փորձ կլինի։

ԱԺ փոխնագահը նաև համոզմունք հայտնեց, որ իշխող քաղաքական ուժը հայ-թուրքական հարաբերություններին վերաբերող փաստաթուղթ է քննարկում․

«Եթե խոսքը Հայաստանի և Թուքրիայի միձև դիվանագիտական հարբերություների մասին լինի միայն, երկար բանակցելու բան չէր լինի։ Եթե այդպես է, թող հայտարարեն, որ երկու երկրների միջև հաստատվում են դիվանագիտական հարաբերություններ, փոխանակվում են դեսպաններ։ Սա է պրոտոկոլը։ Իսկ եթե շարունակում են բանակցությունները, նշանակում է՝ քննարկվում է հայ-թուրքական հաշտեցման փաստաթուղթ, որտեղ ոտնահարված են լինելու մեր բոլոր շահերը»,-ասաց Սաղաթելյանը։

Աղբյուր` Փաստինֆո