Փաստ ինֆո

Մենք հայտնվել ենք նոր իրավիճակում, որը որոշակի գործողություններ է պահանջում։ Այսօր հրավիրված ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանը։

Ռ․Քոչարյանը ներկայացրեց՝ ստեղծված իրավիճակում ինչ է առաջակում ընդդիմությունը, այն է՝ հրատապ վերականգնել բանակի մարտունակությունը, բանակի հնարավորությունները, ստեղծել ռազմավարական պաշարներ Հայաստանում, որը հնարավորություն կտա մեր զինված ուժերին ինքնուրույն գործել, պետք է նաև գրեթե զրոյից ստեղծել նոր ռազմարդյունաբերական կոնտեքստ Հայաստանում։
Ռոբերտ Քոչարյանը միևնույն ժամանակ ընդգծեց, որ այս ամենը Հայաստանն ի վիճակի չէ ինքնուրույն անել․

«Պետք է հասկանալ՝ ի՞նչ չափով է Ռուսաստանը պատրաստ այս ծավալի օջանդակություն ցույց տալ և համագործակցություն ունենալ Հայատանի հետ։ Համոզված եմ, որ սա հնարավոր է, կասկածում եմ, որ մեր կողմից այսպիսի ազդակներ և խնդրանք կա»,-ասաց նա և հավելեց, որ Հայաստանի համար սա միակ տարբերակը չէ․

«Կա նաև ուրիշ, ոչ հաճելի ճանապարհ՝ այն է, ընդունել թուրք-ադրբեջանական սպառնալիքը՝ որպես անհաղթահարելի գործոն և ենթարկվել այդ սպառնալիքին։

Թուրքիան դադարելու է մեզ դիտարկել որպես իր ծրագրերի խոչընդոտ միայն մեկ դեպքում, երբ ունենա տոտալ ազդեցություն Հայաստանում տեղի ունեցող քաղաքական գործընթացների վրա։ Սա ենթադրում է, որ Թուրքիան պետք է գերիշխող դեր ունենա մեր տնտեսության ունենա և լիարժեք ազդեցություն ունենա մեր քաղաքական էլիտայի վրա։ Սա հնարավոր է նաև եթե Հայաստանն ընդհանրապես հրաժարվի Ղարաբաղից, սա այն նախապայմաններից է, որը կարող է Հայաստանի համար գործել»,-ասաց Ռոբերտ Քոչարյանը։

Աղբյուր` Փաստինֆո