Փաստ ինֆո

Այո մենք լրջագույն խնդիր ունենք հասարակությունն արթնացնելու, առողջ հասարակություն ունենալու ուղղությամբ։ Այս մասին ասաց պատգամավոր Լիլիթ Գալստյանը։ Նա հարց է ուղղում, թե որտեղ են քաղհասարակության շատ երևելի ներկայացուցիչներ, երբ այսօր վարդալիզմի է ենթարկվում մշակութային ժառանգությունը։

«Հիշում ե՞ք «Մենք դեմ ենք օտարալեզու դպրոցներին» նախաձեռնությունը, որ առաջին դեմ եղողներից մեկն էլ Արայիկ Հարությունյանն էր, որը իմ կաբինետից դուրս չէր գալիս։ Որտե՞ղ են նրանք հիմա և ինձ թույլ եմ տալիս ասելու, որ քաղհասարակության մի ճնշող մասը պարզապես վարձկաններ էին և սպասարկում էին օտար օրակարգեր»,-ասաց Լիլիթ Գալստյանը։

Այսօր Հայաստանում մարդու իրավունքը ջախջախված և ոտնատակ է արված։ Նրա հարցն անպատասխան է, թե՝  որտե՞ղ է Հայստանի քաղաքացիական հասարակությունը, որտեղ են այն կազմակերպությունները, հատկապես դրսային գրանտներով սնվող, որոնք խոսում են դատական իշխանության բարեփոխման, նոր Հայաստան կերտելու մասին։

«Հասարակության այլասերված արժեքային համակարգի հիմքում նաև կեղծ քաղաքացիական հասարակության կամ հասարակական կազմակերպությունների տակ հանդես եկող որոշ կազմակերպություններ, որոնք հասարակությանը տարան այս ջլատման և այստեղ է, որ մենք խնդիր ունենք»,-ասաց Գալստյանը։

Աղբյուր` Փաստինֆո