Փաստ ինֆո

«Քաղաքացիական պայմանագիր» խմբակցության պատգամավոր Սոնա Ղազարյանի ելույթից հետո ԱԺ-ում իրավիճակը լարվեց:

ՔՊ-ական պատգամավորն իր ելույթում խոսում էր 2018թ-ից հետո դատական համակարգում տեղի ունեցած բարեփոխումների և դատական համակարգի անկախության մասին.

«Այն ինչ տեղի է ունեցել 2018թ-ին և այն, ինչ արտացոլվել է 2020թ-ի արտահերթ ընտրություններում, խոսում է այն մասին, որ ժողովրդավարությունը Հայաստանում հետքայլ չունի, և այն բոլոր պետություններ, որոնք քայլեր են նախաձեռնում ժողովրդավար դառնալու համար պետք է հետևեն Հայաստանի օրինակին»,-ասաց Սոնա Ղազարյանը և դիմեց ընդդիմադիրներին.

«Ես ձեզ նույնպես խորհուրդ եմ տալիս վերադառնալ այս իրականությունը, քանի որ այն կեղծ իրականությունը,որ դուք ստեղծել եք ձեր շուրջ, ձեզ արդեն մեկ անգամ վնասել է»,-ասաց նա:

ՔՊ-ական պատգամավորին տեղից արձագանքեց «Հայաստան» խմբակցության պատգամավոր Գեղամ Մանուկյանը, ինչին ի պատասխան ԱԺ փոխնախագահ Հակոբ Արշակյանը նկատողություն արեց նրան. «Պարոն Մանուկյան, հասկացանք, այսօր ձեր ծնունդն է, բայց մի՛ արձագանքեք տեղից, հանգի՛ստ»,-ասաց նա:

Աղբյուր` Փաստինֆո