Փաստ ինֆո

«Քաղաքացիական պայմանագիր» խմբակցության պատգամավորներն ԱԺ նիստում արձագանքեցին Բելառուսի նախագահ Ալեքսանդր Լուկաշենկոյի՝ ռուս լրագրող Վլադիմիր Սոլովյովին տված հարցազրույցի ընթացքում Հայաստանի հասցեին արված ոչ պարկեշտ հայտարարություններին:

ՔՊ-ական պատգամավոր Վաղարշակ Հակոբյանը հայտարարեց, որ Բելառուսի նախագահը անթույլատրելի և պետության ղեկավարին ոչ հարիր հայտարարություններ է արել.

«Նա, մասնավորապես ասել է, թե ո՞ւմ է պետք Հայաստանը:

Այդ որակումները դատապարտելի են, մեր գործընկեր երկիրը ղեկավարը իրավունք չունի նման մտքեր արտահայտել մյուս գործընկեր երկրի նկատմամբ: Ես ուզում եմ հիշեցնել վերջերս ղազախական դեպքերը, թե ում էր պետք Հայաստանը ու ես վստահ եմ՝ պարոն Լուկաշենկոն ամենաքաջն է գիտակցում, թե ում էր պետք ու ում է պետք Հայաստանի Հանրապետությունը», - ասաց Հակոբյանը:

Հովիկ Աղազարյանն իր ելույթում ևս արձագանքեց Բելառուսի նախագահին և ասաց.

«Լուկաշենկոներն ու Մարգարիտա Սիմոնյանները իրենց գործունեությամբ արջի ծառայություն են մատուցում Ռուսաստանի իշխանություններին, ու լավ կլինի Լուկաշնեկոն գնահատականներ տալուց առաջ Մինսկի օդանավակայանը մտնի, որն ավելի շատ հիշեցնում է խոզանոց», - նշեց պատգամավորը:

Աղբյուր` Փաստինֆո