Փաստ ինֆո

Հայաստանում էլեկտրաէներգիայի միջին կշռված սակագինը 2022 թ. փետրվարի 1-ից ավելացել է 4.7 դրամով, սա այն դեպքում, երբ վարչապետ դառնալու նախաշեմին Փաշինյանը հայտարարում էր, որ հոսանքի գները մեզ մոտ պետք է առնվազն 20%-ով իջնեն»,- ԱԺ-ում հայտարարել է «Հայաստան» խմբակցության պատգամավոր Արեգնազ Մանուկյանը՝ հիշեցնելով, որ 2015 թվականին ընդդիմադիր Նիկոլ Փաշինյանը դուրս էր եկել փողոց՝ բողոքելով էլեկտրաէներգիայի գնի թանկացման դեմ:

Պատգամավորի փոխանցմամբ՝ ներկայում թանկացել է ոչ միայն հոսանքը, բայց 2015 թվականին բողոքող աղջիկներն ու տղաները չկան, չեն բողոքում և չեն հայհոյում թանկացնողներին, քանի որ իրենք են դարձել թանկացնող իշխանավոր:

«Թալանից, կոռուպցիայից, լափամանից խոսողներն իրենք են մխրճվել թալանի, կոռուպցիայի, լափամանի մեջ՝ պետական միջոցներով պադավատապետություն և թայֆայապետություն կառուցելով»,- հայտարարեց Մանուկյանը՝ ավելացնելով, որ ներկա կառավարիչներն իշխանության եկան գյուղացուն և աշխատավորին սիրաշահելով, բայց հետո էլ ասացին, որ աղքատությունը գյուղացու և աշխատավորի գլխում է, որ գյուղացին ու աշխատավորը ձրիակեր են, որ պետությունն իրենց տալու բան չունի և թող գնան իրենց գլուխն ինչպես ուզում են, այնպես էլ պահեն:

Նրա խոսքերով՝ հողը մշակելու ժամանակահատվածում պարարտանյութի գինը եռակի ավելացել է՝ գյուղացուն դնելով անելանելի վիճակում և նախկին 7 հազարի դիմաց այսօրվա 20 հազար դրամանոց սելիտրան էլ նրանք դժվարությամբ են գտնում, ինչը խոսում է ապագա թանկացումների մասին: Գյուղացիներն այսօր հայտնվել են անելանելի վիճակի մեջ ու նոր թանկացումներ են սպասվում։

Դիմելով ժողովրդին՝ պատգամավորն ընդգծեց, որ կյանքի որակի դրական փոփոխություն կարող է լինել միայն այս իշխանություններին հեռացնելու դեպքում

«Կլինի իշխանության հեռացում՝ կունենանք զարգանալու շանս, չի լինի՝ ստիպված կլինենք սպասարկել, թուրք-ադրբեջանական շահերը, կարծում եմ՝ մեր անելիքն ակնհայտ է, ընտրությունը մեծ չէ՝ կամ-կամ»,- հայտարարել է Արեգնազ Մանուկյանը:

Մանրամասները՝ տեսանյութում 

Աղբյուր` Փաստինֆո