Փաստ ինֆո

Մենք բազմիցս լսել են նման հայտարարություններ, բայց դա որևէ կերպ չի ազդի հայ և բելառուս ժողովուրդների բարեկամության վրա:

Խորհրդարանում լրագրողների հետ զրույցում ասաց ԱԺ փոխնախագահ Հակոբ Արշակյանը՝ անդրադառնալով Բելառուսի նախագահի՝ Հայաստանի վերաբերյալ հայտարարություններին.

«Ես չեմ ցանկանում նման հայտարարությունները մեկնաբանել, տարբեր ժամանակներում նման տարբեր հայտարարություններ են եղել, իրենց ներքաղաքական հարցերին վերաբերվող հայտարարություններ են, որևէ կերպ նման հարցեր չեն քննարկվում Հայաստանում»,-ասաց նա:

Ըստ Հակոբ Արշակյանի՝ ՀՀ ԱԳՆ-ն պատշաճ կերպով արձագանքել է Բելառուսի նախագահին:

Հարցին՝ քննարկվո՞ւմ է արդյոք այն տարբերակը, որ Հայաստանը Միութենական պետության մաս կազմի, ԱԺ փոխնախագահն արձագանքեց՝ ոչ, նման քննարկումներ չկան:

Հիշեցնենք, որ երեկ Վլադիմիր Սոլովյովին տված հարցազրույցում Բելառուսի նախագահ Ալեքսանդր Լուկաշենկոն հայտարարել էր՝ «Հայաստանը գնալու տեղ չունի։ Կարծում եք նրանք ինչ-որ մեկին պե՞տք են: Նրանք արդեն տեսել են, Նիկոլ Վովաևիչը տեսել է դա»։

Աղբյուր` Փաստինֆո