Փաստ ինֆո

Կրեմլը բեկում չի ակնկալում Ուկրաինայի շուրջ ստեղծված իրավիճակում՝ Ռուսաստանի եւ Ֆրանսիայի նախագահներ Վլադիմիր Պուտինի եւ Էմանուել Մակրոնի բանակցություններից հետո, որոնք տեղի կունենան երկուշաբթի: Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։

«Իհարկե, իրավիճակը չափազանց բարդ է մեկ հանդիպման ընթացքում վճռական բեկում ակնկալելու համար», - ասել է Կրեմլի ներկայացուցիչը: Նա այդպես է պատասխանել այն հարցին, թե արդյոք Կրեմլը ենթադրում է, որ Պուտինի եւ Մակրոնի բանակցությունները բեկումնային կլինեն եւ կցրեն Ուկրաինայի իրադրության վերաբերյալ Արեւմուտքի մտավախությունները:

«Մենք գիտենք, եւ Մակրոնն ինքն է այդ մասին ասել Պուտինին, որ նա Եվրոպայում լարվածության լիցքաթափման հնարավոր տարբերակների որոնման որոշակի գաղափարներով է գնում, եւ նա մտադիր է այդ գաղափարներով կիսվել Պուտինի հետ», - ընդգծել է Պեսկովը: «Եկեք սպասենք այսօրվա հանդիպման արդյունքներին եւ լսենք, թե ինչպես դրանք կգնահատեն նախագահները մամուլի ասուլիսի ժամանակ»,-առաջարկել է Կրեմլի ներկայացուցիչը:

ՌԴ նախագահի մամուլի քարտուղարը ուշադրություն է հրավիրել այն հանգամանքի վրա, որ «Ֆրանսիան ԵՄ - ի առաջատար երկրներից մեկն է», «Էմանուել Մակրոնը գլխավորում է երկիրը, որն այժմ նախագահում է Եվրամիությունում»: «Դա շատ կարեւոր է», - ասել է Պեսկովը։

«Սա շատ կարեւոր այց է։ Ակնհայտ է, որ բացարձակապես գերակայում է Եվրոպայում լարվածության թեման՝ կապված Ուկրաինայի շուրջ ստեղծված իրավիճակի հետ, Ռուսաստանի Դաշնության համար անվտանգության երաշխիքների թեման՝ այն ամենն է, ինչ կապված է այդ հիմնական խնդիրների հետ», - ասել է մամուլի քարտուղարը։ Նա հիշեցրել է, որ առաջնորդների անձնական շփմանը նախորդել են երեք հեռախոսազրույցներ։ «Այդ պատճառով մենք ակնկալում ենք բավական շատ սուբստանտիվ և երկարատև, ծավալուն՝ ժամանակի և բովանդակային առումով, քննարկման», - կանխատեսում է Կրեմլի ներկայացուցիչը։

Աղբյուր` Փաստինֆո