Փաստ ինֆո

Իշխանության առաջարկներին չենք կարող լուրջ վերաբերվել: Այս մասին լրագրողների հետ զրույցում հայտարարեց «Պատիվ ունեմ» խմբակցության պատգամավոր Աննա Մկրտչյանը՝ արձագանքելով ՔՊ խմբակցության ղեկավար Հայկ Կոնջորյանին, որն ավելի վաղ ընդդիմությանն առաջարկել էր կողմ քվեարկել նախագահի իրենց թեկնածու Վահագն Խաչատուրյանին.

«Իշխանությունը հորդորում էր, որ ընդդիմությունն աչք փակի նրա վրա, որ իրենք հայ-թուրքական անհասկանալի բանակցություններ են վարում՝ հայ հանրությունից գաղտնի, նրանք առաջարկում էին աչք փակել նրա վրա, որ իրենց իշխանության համար գերիների հարցն այլևս օրակարգային չէ, առաջարկում էին ընդդիմությանը աչք փակել իրավական պետության ջախջախման վրա, որն իրենք տանում են այս պահին, հորդորում էին նաև մոռանալ, որ ՀՀ Մարդու իրավունքների պաշտպանը փոխարինվել է Նիկոլի իշխանության պաշտպանով,-ասաց Մկրտչյանը և հավելեց՝ «այն մարդկանց առաջարկներին, որոնք Հայաստանի կործանումը և Արցախի հանձնումը թուրքին իրականություն են դարձրել, լուրջ վերաբերվել, ավելին քան հերթական դավադրություն, ես չեմ կարող»::

Հիշեցնենք, որ այսօր ընդդիմադիր «Հայաստան» և «Պատիվ ունեմ» խմբակցությունները հայտարարել են, որ ստեղծված իրավիճակում անընդունելի եւ սխալ ենք համարում նախագահի ընտրություններին մասնակցելը:

Աղբյուր` Փաստինֆո