Փաստ ինֆո

Չկա որևէ գաղտնի օրակարգ, որը դրված է իմ կամ այս խորհրդի, կամ այս խորհրդի որևէ անդամի առջև, թե իբր սա արվում է, որ այսպես կամ այնպես ձևվի Սահմանադրությունը. նման օրակարգեր չկան: Նպատակն է՝ Սահմանադրությունն աուդիտի ենթարկել, վերհանել խնդիրները, փոփոխություններ անել: Այս մասին Սահմանադրական բարեփոխումների խորհրդի առաջին նիստին ասաց Արդարադատության նախարար Կարեն Անդրեասյանը։

Նախարարը տեղեկացրեց նաև, որ նիստին ներկա չէ միայն ՄԻՊ-ը, որն ի սկզբանե համաձայնել էր լինել խորհրդի կազմում:

«Ենթադրաբար զբաղվածության կամ այլ պատճառներով այսօր նա ներկա չէ: Հուսով եմ, որ մեր մյուս հանդիպումների ժամանակ արդեն կլինի նաև Մարդու իրավունքների պաշտպանը»,-ասաց նախարարը:

Անդրեասյանի խոսքով՝ ընդդիմադիր երկու խմբակցություններրը ևս ցանկություն չեն հայտնել մասնակցել գործընթացին:

«Մենք այս գործընթացը սկսել ենք դեռևս ամիսներ առաջ, և առաջին իսկ փուլերից փորձել ենք նաև ներգրավել խորհրդարանական ընդդիմությանը, սակայն իրենք որպես քաղաքական որոշում, չեն մասնակցում»,-ասաց Անդրեասյանը և

Նա վստահեցրեց, որ կառավարությունը շատ կարևորում է նաև նիստին ներկա չգտնվող արտախորհրդարանական մյուս կուսակցությունների հետ աշխատանքները, գործընթացով հետաքրքրված բոլոր հասարակական կազմակերպությունների դերը, լսելու են նաև նրանց կարծիքները:

«Մեզ համար, որպես կառավարություն, կառավարության ներկայացուցիչ, շատ կարևոր է, որ գործընթացները լինեն ծայրահեղ թափանցիկ, և սա չլինի մի գործընթաց, որտեղ փակ դռների հետևում գիտնականներ կամ քաղաքական շահեր, հետաքրքրություններ ունեցող մարդիկ կհավաքվեն և կունենան ուղղակի փաստաթուղթ, որը հետո մի կերպ համոզելով կներկայացվի ժողովրդին: Կարծում եմ՝ գործընթացը պետք է պահենք հնարավորինս մասնակցային»,-ասաց նախարարը:

Աղբյուր` Փաստինֆո