Դատավոր Բորիս Բախշիյանին մեղադրում են Նիկոլ Փաշինյանի աջակցին ապօրինի կալանավորելու մեջ

ԲՈԼՈՐ ՆՅՈՒԹԵՐԸ

Բոլորը

10/26/2024 19:02 Ավտովթարից մահացել է երգչուհի Մաշ Իսրայելյանի քույրը` Էլեն Իսրայելյանը 10/26/2024 21:56 Հոսանքազրկումներ մարզերում ու մայրաքաղաքում՝ երկուշաբթի 10/27/2024 16:16 Նշվել են սրտի եւ թոքերի վրա բացասաբար ազդող կենցաղային 8 առարկաներ 10/26/2024 15:41 Իրանում 10 սահմանապահ է սպանվել 10/27/2024 22:00 Մխիթարյանը գրավեց «Յուվենտուսի» դարպասը (տեսանյութ) 10/27/2024 10:20 Երևանում բենզին տեղափոխող բեռնատարը մտել է Հանրապետության հրապարակ ու այն կայանել արգելված վայրում․ ժամանել են Կենտրոնի ոստիկանապետն ու ՊԾ Երևանի գնդի հրամանատարը 10/26/2024 13:50 Երևանում գնացքը վրաերթի է ենթարկել ռելսերի վրա հայտնված կնոջը. վերջինս հիվանդանոցում գիտակցության չգալով՝ մահացել է. shamshyan.com 10/26/2024 20:49 Վրաստանում ընտրություններն ավարտվեցին. հաղթանակը թե' իշխանությունն է տոնում, թե' ընդդիմությունը. էքզիթ փոլի արդյունքներ`յուրաքանչյուրի ճաշակով 10/26/2024 09:49 Իսրայելը հարվածել է Իրանին 10/26/2024 19:45 Իր կոկորդիլոսի արցունքները ոչ ոքի հետաքրքիր չեն, Զուրաբիշվիլին կապ չունի ՆԳՆ-ի հետ. Կոբախիձեն` Զուրաբիշվիլիի մասին 10/27/2024 19:41 Զինված խումբը փորձել է հատել Ռուսաստանի սահմանը 10/27/2024 19:48 Երևանում հայտնի «շուբերի խանութում» հայտնաբերվել է տղամարդու մարմին. shamshyan.com 10/26/2024 17:28 Վրաստանի նախագահ Սալոմե Զուրաբիշվիլին չի կարողացել կապ հաստատել ՆԳ նախարարի հետ 10/26/2024 14:57 Բերդ համայնքի նախկին ղեկավարի նկատմամբ քրեական հետապնդումը իրականացվում է առանց քրեական գործի առկայության. Մանուչարյանը` կրկին դատարանի առաջ է կանգնել 10/27/2024 22:44 Հայաստանի համար շատ կարևոր է,որ Վրաստանում լինի այնպիսի իշխանություն,որը բալանսավորված արդյունավետ հարաբերություններ ունենա արևմուտքի և ՌԴ հետ.Սուրենյանց 10/27/2024 11:00 Առեղծվածային ու ողբերգական դեպք՝ Երևանում․ Այգեստան թաղամասի տներից մեկում լսվել է պայթյունի ձայն՝ հրդեհի բռնկումով․ հրշեջները, մարելով կրակը, հայտնաբերել են տղամարդու մարմին 10/27/2024 14:41 Ջերմաստիճանը եւս 2-3 աստիճանով կնվազի․ Առաջիկա 5 օրվա եղանակի տեսություն 10/26/2024 17:47 Վրաստանում հատուկջոկատայիններ են բերվել կառավարական շենք (տեսանյութ) 10/27/2024 18:13 Ամահիտ Բախշյանն արձագանքել է դատախազության հաղորդագրությանը 10/26/2024 18:46 Անհայտ անձինք ներխուժել են Միխեիլ Սաակաշվիլիի կուսակցության գրասենյակ

Դատավոր Բորիս Բախշիյանին մեղադրում են Նիկոլ Փաշինյանի աջակցին ապօրինի կալանավորելու մեջ 02/01/2022 14:05 | ԼՐԱՀՈՍ

«Փաստինֆո»-ի հավաստի տեղեկություններով՝ ԱԱԾ-ն փորձում է Սյունիքի մարզի ընդհանուր իրավասության դատարանի դատավոր Բորիս Բախշիյանին մեղադրել Մանվել Փարամազյանի դեմ ցուցմունք տված Փաշինյանի աջակցին ապօրինի կալանավորելու մեջ, թեև Փաշինյանի աջակիցն ինքն էր դրսևորել ոչ պատշաճ վարքագիծ՝ չներկայանալով դատական նիստերին։ Քրեական գործը հարուցվել է ՀՀ քրեական օրենսգրքի 348-րդ հոդվածի 3-րդ մասով՝ անձին ապօրինի կալանավորելու հատկանիշներով, որն առաջացրել է ծանր հետևանք։ Մեր տեղեկությունները հաստատեց նաև դատավոր Բախշիյանի փաստաբան Արսեն Սարդարյանը՝ նկատելով, որ դատավորն արել է այն, ինչ պետք է աներ։ Փաստաբանը հաստատեց, որ առանց հարգելի պատճառների դատական նիստերին չներկայացած ամբաստանյալի նկատմամբ, որը խախտել էր իր նկատմամբ ընտրված խափանման միջոց ստորագրության կարգը, դատարանն իրականացրել է օրենքից բխող գործողություններ՝ խափանման միջոց ստորագրությունը փոխելով կալանքով, ինչն օրենքով նախատեսված է և դատավորն արել է այն, ինչ պետք է աներ։ Ընդ որում, պարզվում է, որ դատախազությունը վերաքննության կարգով չի բողոքարկել նշված դատական ակտը, բայց որոշումից երկու ամիս անց դատախազությունն այդ հարցով դիմել է ԲԴԽ-ին՝ պահանջելով ակտը գնահատել որպես ակնհայտ ապօրինի կալանավորում, որն առաջացրել է ծանր հետևանք։

«ԲԴԽ-ն համաձայնություն է տվել նման արդարամիտ, օբյեկտիվ, նվիրյալ դատավորի նկատմամբ վարույթ սկսելու և կալանավորումը որպես խափանման միջոց կիրառելու վերաբերյալ»,- նշեց Սարդարյանը։

Հատկանշական է, որ դատարանը հետագայում վերանայել է ամբաստանյալի խափանման միջոցը։ Մասնավորապես, դատական նիստին դատախազը դիմում է ներկայացրել, համաձայն որի՝ կալանքից վերցվելուց հետո ամբաստանյալը հաղորդում է ներկայացրել իր փաստաբանի նկատմամբ, որ իր փաստաբանն ինքն է իրեն մոլորության մեջ գցել, որ կարող է նիստին չներկայանալ։ Հաշվի առնելով այդ հանգամանքը, որ ոչ թե ամբաստանյալն է իրեն անբարեխիղճ պահել, այլ՝ դատապաշտպանի հետ քննարկման թյուրըմբռնման հետևանք է, դատարանը կրկին փոխել է ամբաստանյալի խափանման միջոցը՝ փոխարինելով գրավով, ինչը, ըստ փաստաբանի, վկայում է դատավորի բարեխղճության մասին։

ԲԴԽ-ի կողմից դատավորի նկատմամբ հետապնդում իրականացնելու և ազատությունից զրկելու համաձայնության վերաբերյալ որոշումներից հետո դատավորի մասնակցությամբ դեռևս գործողություններ չեն իրականացվել։

Փաստաբանի գնահատմամբ՝ ԲԴԽ-ի գործողությունները դատավորի գործունեության նկատմամբ ակնհայտ ապօրինի միջամտություն է։

Հիշեցնենք, որ ՀՀ գլխավոր դատախազը ՀՀ ԱԱԾ քննչական դեպարտամենտում քննվող քրեական գործի շրջանակներում, օրենքով սահմանված կարգով, ՀՀ ԲԴԽ-ին ներկայացրել է Սյունիքի մարզի ընդհանուր իրավասության առաջին ատյանի դատարանի դատավոր Բորիս Բախշիյանի նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու միջնորդություններ, որոնք ԲԴԽ-ի կողմից բավարարվել են։

Դատավորների միությունը մտահոգություն է հայտնել Սյունիքի մարզի առաջին ատյանի ընդհանուր իրավասության դատարանի դատավոր Բորիս Բախշիյանի նկատմամբ դատախազության և ԱԱԾ քննչական դեպարտամենտի կողմից քրեական հետապնդում իրականացնելու և անձեռնմխելիությունից (այդ թվում անձնական ազատությունից) զրկելով զուգորդված քրեական հետապնդում իրականացնելու գործընթացի հետ կապված, որը պայմանավորված է դատավորի գործունեության հետ։

Նշենք, որ դատավոր Բորիս Բախշիյանի վարույթում է գտնվում Սիսական ջոկատի լեգենդար հրամանատար Աշոտ Մինասյանի՝ Աշոտ Երկաթի գործը։ Օրերս դատավոր Բախշիյանը որոշում էր կայացրել՝ Մինասյանի նկատմամբ ընտրված խափանման միջոց կալանավորումը գրավով փոխարինելու մասին, ինչից հետո Մինասյանն ազատ է արձակվել։ Դատավոր Բորիս Բախշիյանի վարույթում են գտնվում նաև Քաջարանի համայնքապետ Մանվել Փարամազյանի և Գորիսի փոխքաղաքապետ Մենուա Հովսեփյանի վերաբերյալ քրեական գործերը։

Հեղինակ՝ Իզաբել Սահակյան

Աղբյուր` Փաստինֆո