Փաստ ինֆո

Ուկրաինան մտադիր չէ հարձակում սկսել ո՛չ Ղրիմի, ո՛չ Դոնբասի, ոչ էլ որևէ այլ երկրի դեմ։ Այս մասին հայտարարել Է ՄԱԿ-ի Անվտանգության խորհրդի նիստում համաշխարհային կազմակերպությանն առընթեր Ուկրաինայի մշտական ներկայացուցիչ Սերգեյ Կիսլիցան։

«Ուկրաինան չի պատրաստվում հարձակում սկսել ո՛չ Դոնբասում, ո՛չ Ղրիմում, ոչ էլ որևէ այլ վայրում»,-ասել է նա:

Կիեւը հանդես է գալիս Մոսկվայի հետ կապի բաց ուղիների պահպանման օգտին, հայտարարել է Կիսլիցան: «Միեւնույն ժամանակ մենք պաշտպանում ենք Ռուսաստանի հետ բաց դիվանագիտական ալիքների պահպանման անհրաժեշտությունը։ «․․․»,- ասել է ուկրաինացի դիվանագետը։

Բացի այդ, նա հավաստիացրել է, որ «Ուկրաինայի համար առաջին գերակայությունն այսօր»՝ Դոնբասում կրակի կայուն եւ անվերապահ դադարեցումն է: «Նորմանդական ձեւաչափի» աշխատանքի ակտիվացումը, այդ թվում՝ չորս երկրների ղեկավարների մակարդակով, կարեւոր նախապայման է հետագա քայլերի համար՝ Դոնբասում կայուն խաղաղություն ապահովելու նպատակով», - կարծում է Կիսլիցան: Նրա խոսքով՝ Ուկրաինայի իշխանությունները «պատրաստ են վերսկսել «նորմանդական քառյակի» բանակցությունները բոլոր ձեւաչափերով», այսինքն՝ բոլոր մակարդակներում:

Աղբյուր` Փաստինֆո