Փաստ ինֆո

Այս պիղծ երևույթը սատանայի վերջին փամփուշտն է, անցավ բանակի միջով, անցավ մեզնից շատերի միջով։ Այս մասին Եռաբլուր զինվորական պանթեոնում լրագրողների հետ զրույցում ասաց ազատամարտիկ Պավել Մանուկյանը՝ անդրադառնալով Փաշինյանի հայտարարություններին։

Հարցին՝ արդյոք պետականորեն քայլեր են իրականացվում՝ բանակը զինելու շուրջ, Մանուկյանն արձագանքեց՝ պետականորեն այժմ միայն կազմաքանդում է գնում և այստեղ է, որ համահայկական զորահավաք պետք է լինի բանակի, զինվորի կողքին՝ շնչել զինվորավարի, մրսել, սոված մնալ զինվորի հետ, հաղթել՝ զինվորի հետ.

«Մենք այդպես էլ ոչ հաղթանակը սեփականաշնորհեցինք, դրա համար էլ՝ պարտության դառը բաժակից խրտնել ենք։ Առաջին պատերազմում ժողովուրդը չի մասնակցել, ես մի մասնիկ եմ եղել, տուն եմ գնացել՝ ոչ ոք ինձ չի շնորհավորել, չի ասել՝ արի մի բաժակ տաք ջուր խմի։ Վիրավորված եմ եղել, բայց ամաչել եմ ասել, որ վիրավորված եմ եղել»։

Մանուկյանի խոսքով՝ հաղթանակն առողջություն է։ Հիմա բոլորը կուշտ են, բայց հոգու սով է, առատ սեղանի շուրջ են, բայց սով է։

«Սրանց նախարարներին նայեք։ Մի հատ մարդավարի բարևես՝ բոլորի ձեռքերից մանիկյուրը կթափվի։ Սրանք վառոդի բույր, համ գիտե՞ն։ Լավ էր, որ այսօր ժեխը չեկավ այստեղ»,- նշեց Մանուկյանը՝ հավելելով, որ կորացած մեջքը պետք է շտկենք։

Աղբյուր` Փաստինֆո