Փաստ ինֆո

Ադրբեջանից հնչող հայտարարություններում պետք է որոշակի նրբություններ նկատենք, տարբերակենք դրանց ռացիոնալ և էմոցիոնալ կողմերը: Այս մասին ասուլիսի ժամանկ հայտարարեց Նիկոլ Փաշինյանը՝ անդրադառնալով Ալիևի՝ Հայաստանի վերաբերյալ սպառնալից հայտարարություններին.

«Վերջերս շատ կարևոր դիտարկում հնչեցրեց մի վերլուծաբան մեր քննարկման ժամանակ։ Նա ուշադրություն հրավիրեց այն փաստի վրա, որ Ադրբեջանից շատ հաճախ հնչում են հայտարարություններ, որոնք հայելային են այն հայտարարություններին, որոնք Հայաստանում հնչել են 1994 թվականից հետո։ Երբ Ադրբեջանից հնչում է հայտարարություն, որ Ղարաբաղի հարցը լուծված է, այդ վերլուծաբանը իմ ուշադրությունը հրավիրեց այն փաստի վրա, որ 1994 թվականից հետո տասնյակ տարիներ Հայաստանից և Արցախից հնչել են հայտարարություններ, որ Ղարաբաղի հարցը լուծված է։ Շատ հաճախ հնչում են հայտարարություններ` ասենք Երևանը ադրբեջանական քաղաք լինելու մասին և այլն, այդ վերլուծաբանը իմ ուշադրությունը հրավիրեց նրա վրա, որ 1994 թվականից հետո շատ հայտարարություններ են հնչել այն մասին, որ Բաքուն հայկական քաղաք է»,– ասաց նա։

Ըստ Փաշինյանի՝Ադրբեջանից հնչող հայտարարություններում կուտակված վրեժի էլեմենտ կա, և սա պետք է հաշվի առնել։

Աղբյուր` Փաստինֆո