Փաստ ինֆո

Անվտանգության գոտին պետք չէ ֆետիշացնել։ ԱԺ-ում նման հայտարարությամբ է հանդես եկել ՔՊ-ի ՄԻՊ-ի թեկնածուն՝ արձագանքելով սահմաններում ստեղծված վիճակի մասին ԱԺ պատգամավոր Աննա Գրիգորյանի հարցին։

«Ես կուզենայի, որ դուք հստակ գնահատական հնչեցնեք հատկապես իշխանության այն ներկայացուցիչների մտքերին, որոնք կարծում են, որ մեր երկրում կան ճանապարհներ ու տարածքներ, որոնք չեն պատկանում Հայաստանին, պատկանում են Ադրբեջանին: Եվ սա այն դեպքում, երբ դեռ չի իրականացվել սահմազատում, սահմանագծում»,- ԱԺ-ում հայտարարել է պատգամավոր Աննա Գրիգորյանը՝ դիմելով ՄԻՊ թեկնածու Քրիստիննե Գրիգորյանին:

«Անվտանգային գոտին չպետք է ֆետիշացնել. անվտանգությունը չպետք է կտրել կամ առանձնացնել մարդկանցից: Խոսքը մարդկանց անվտանգության մասին է»,- ի պատասխան ասել է Քրիստինե Գրիգորյան:

Դառնալով սահմանագծմանն ու սահմանազատմանը՝ նա նշել է. «Դա շատ բարդ պրոցես է՝ նաև քաղաքական կոմպոնենտով, բայց մարդու իրավունքների հարցերն այնտեղ հիմքում են դրված ու, երբ մենք նայում ենք ԵԱՀԿ պրակտիկային, շատ հստակ է, որ այնտեղ քաղաքական հարցերի լուծումների հետ հավասարապես նայվում են բնակչության բնականոն կյանքի ապահովման հարցերը: Ուստի, այս առումով, անորոշ ասել՝ «ճանապարհները, ինչ-որ մարդիկ ասում են»… իմ մոտեցումը հետևյալն է՝ որևէ պրոցես, որը տեղի է ունենում մեր երկրում, մարդու իրավունքների պաշտպանը պետք է լինի այնտեղ ու ես ընտրվելու դեպքում լինելու եմ այդ պրոցեսում, օգտագործելու եմ իմ հարաբերութունները, նաև կառուցելու եմ հարաբերությունները թե ընդդիմության, թե իշխանության, թե պետական կառավարման ու տեղական ինքնակառավարման մարմինների հետ, որ այս խնդիրները հասցեագրվեն: Ես նաև հեռու եմ այն գայթակղությունից, որ ՄԻՊ-ի միակ գործիքը հայտարարություններն են», - ասաց նա:

Աղբյուր` Փաստինֆո