Փաստ ինֆո

Ինչպե՞ս եք վերաբերվում իշխանության ներկայացուցիչների այն մտքերին, որոնք կարծում են, թե մեր երկրում կան տարածքներ և ճանապարհներ, որոնք չեն պատկանում Հայաստանին, այլ պատկանում են Ադրբեջանին: Սա այն պարագայում, երբ դեռ սահմանազատման և սահմանագծման աշխատանքներ չեն տարվել: ՄԻՊ-թեկնածու Քրիստիննե Գրիգորյանին նման հարց ուղղեց «Հայաստան» խմբակցության պատգամավոր Աննա Գրիգորյանը:

ՄԻՊ թեկնածուն խուսափեց գնահատական տալ իշխանության ներկայացուցիչների հայտարարություններին, միայն ասաց, որ սահմանագծման և սահմանազատման դեպքում քաղաքական լուծումների հետ հավասարապես պետք է դիտարկվի նաև բնակչության բնականոն կյանքի ապահովման հարցերը.

«Իմ մոտեցումը հետևյալն է՝ որևէ պրոցես, որը տեղի է ունենում մեր երկրում, ՄԻ պաշտպանը պետք է լինի այնտեղ: Ես ընտրվելու պարագայում օգտագործելու եմ բոլոր միջոցները, որ այս խնդիրները հասցեագրվեն համապատասխան անձանց»,-ասաց նա:

Աննա Գրիգորյանը երկրորդ հարցն ուղղեց ՄԻՊ թեկնածուին՝ Հայաստանում կա՞ն քաղբանտարկյալներ, ինչին ի պատասխան Քրիստիննե Գրիգորյանն ասաց, որ ԵԽԽՎ-ի մոնիթորինգային հանձնաժողովը մոնիթորինգ է իրականացնում Հայաստանում ու անդամ պետություններում ու արձանագրել է, որ Հայաստանում քաղբանտարկյալներ չկան.

«Այս արձանագրման հետ ես համաձայն եմ»,- ասաց ՄԻՊ-ի թեկնածուն:

Մանրամասները՝ տեսանյութում

Աղբյուր` Փաստինֆո