Փաստ ինֆո

Թուրքիայի քաղաքացիների մեծ մասը հայտարարել է, որ չի աջակցում նախագահ Ռեջեփ Թայիփ Էրդողանի քաղաքականությանը։ Նման տվյալներ են բերվում Անկարայում տեղակայված հասարակական կարծիքի հետազոտությունների MetroPOLL կենտրոնի վերջին հարցման մեջ:

Կիրակի հրապարակված հետազոտության համաձայն՝ հարցման մասնակիցների 40,7 տոկոսը հայտարարել է, որ հավանություն է տալիս Էրդողանի գործողություններին, մինչդեռ 57 տոկոսը դժգոհ է արտահայտվել, իսկ 4,9 տոկոսը հրաժարվել է պատասխանել առաջադրված հարցին:

Բացի այդ, հարցման մասնակիցների մեծ մասը կարծում է, որ Անկարան իր արտաքին քաղաքականության մեջ պետք է առաջնահերթություն տա Ռուսաստանին եւ Չինաստանին, այլ ոչ թե Միացյալ Նահանգներին եւ Եվրամիությանը: Հարցվածների 39,4 տոկոսը առաջնային է համարում ՌԴ - ի եւ ՉԺՀ-ի հետ հարաբերությունների զարգացումը, 37,5 տոկոսը՝ ԱՄՆ-ի եւ ԵՄ-ի հետ: Հրաժարվել են պատասխանել հարցվածների 23.1% - ը։ Ընդ որում առավել ակտիվ հանդես են եկել Մոսկվայի և Պեկինի հետ հարաբերությունների օգտին իշխող «Արդարություն և զարգացում» կուսակցության, ինչպես նաև նրա հետ կոալիցիայում գտնվող «Ազգայնական շարժում» կուսակցության կողմնակիցները։

Հարցումն անցկացվել է հունվարի 8-12-ը Թուրքիայի 28 նահանգներում՝ օգտագործելով շերտավորված կամայական ընտրանքի մեթոդը: Դրան մասնակցել է 1 508 մարդ։

Աղբյուր` Փաստինֆո