Փաստ ինֆո

Թուրքիան ունի հստակ շահ՝ հայ-թուրքական հարաբերությունների կարգավորման այս գործընթացում, այն է՝ փորձելու է ամեն ինչ անել ցույց տալու, թե ինքը խաղաղության աղավնի է։ Այս մասին «Փաստինֆո»-ի եթերում ասել է ՀՀ նախկին վարչապետ, Կառավարման ակադեմիայի պրոֆեսոր Խոսրով Հարությունյանը։

«Թուրքիայի ինչին է պետք՝ ՀՀ-ի հետ հարաբերությունների կարգավորումը։ Մենք այդքան խանգարու՞մ ենք թուրքերին, մենք կանգնա՞ծ ենք նրանց զարգացման ճանապարհին, արդյոք առանց ՀՀ-ի հետ հարաբերությունների բարելավման, թուրքերն իրենց դինամիկ զարգացման, կամ իրենց աշխարհաքաղաքական նկրտումներին չեն կարող հասնել»,- նշել է բանախոսն ու ավելացրել. «Թուրքերն ասում են, եկեք կարգավորենք մեր հարաբերությունները, առավել ևս, որ դուք եք նախաձեռնողը»։

Նրա դիտարկմամբ՝ անհասկանալի է նաեւ, թե ինչու պետք է ՀՀ վարչապետը դիմի Վրաստանի վարչապետին, որ նա էլ իր հերթին միջնորդի Էրդողանի հետ հանդիպման համար։

«Ինչ է տալիս Փաշինյանին Էրդողանի հետ հանդիպումը, մի մարդ, որն օրը տաս անգամ կարող է հեռախոսազրույց ունենալ Պուտինի հետ», ասել է Հարությունյանը ու նշել, որ այս հարցերի պատասխանները շատ հստակ են՝ այո՛, Թուրքիան այստեղ ունի շատ հստակ և հետևողական նպատակ և այս փուլում ամեն ինչ անելու է , որ ցույց տա, որ ինքը խաղաղության աղավնի է։

Հարությունյանն անդրադարձել է նաև սահմանազատման և սահմանագծման գործընթացին, ընդգծելով մի շարք կարևոր շեշտադրումներ։

Մանրամասները՝ տեսանյութում։

Աղբյուր` Փաստինֆո