Փաստ ինֆո

Խորհրդարանն առաջին ընթերցմամբ քննարկեց Կառավարության հեղինակած «Վարչական իրավախախտումների վերաբերյալ ՀՀ օրենսգրքում լրացումներ և փոփոխություններ կատարելու մասին» օրենքի նախագիծը:Նախագիծը խորհրդարանում ներկայացրեց

ՀՀ պետական եկամուտների կոմիտեի նախագահի տեղակալ Ծովինար Սողոմոնյանը:

Առաջարկվող փոփոխություններով կսահմանվի ՀՀ պետական եկամուտների կոմիտեի կողմից վարչական վարույթը կասեցնելու կամ երկարաձգելու իրավունքը, ինչպես նաև կհստակեցվի կասեցված կամ երկարաձգված վարչական վարույթներով վարչական տույժ նշանակելու ժամկետը:

«Հայաստան» խմբակցության պատգամավար Արամ Վարդևանյանը նախագծի քննարկման ժամանակ հայտարարեց , որ հետընթաց է համարում նախագիծը.

«Այսօրվա դրությամբ, երբ ցանկացած գործարար կամ իրավաբանական անձ հայտնվում է հարկայինի հետաքրքրությունների տիրույթում, ապա այդ գործընթացը չի կարող երկու ամսից ավել տևել, նույնիսկ, եթե փորձաքննության կարիք է լինում և այլն։Սա հնարավորություն էր տալիս գործարարներին, որ այս պատմությունը երկար չտևի: Այսինքն՝ կա՛մ հարկայինը այս երկու ամսում կկարողանար հիմնավորել և ներկայացնել վարչական ակտը, կա՛մ եթե երկամսյա ժամկետը խախտում էր, անձը կարողանում էր այդ վարչական ակտը բողոքարկման միջոցով ստանալ դրական արդյունք։ Հիմա ՊԵԿ-ը ասում է, որ այդ երկու ամիսը չլինի։ Ինչու՞ եք փորձում գործարարների և իրավաբանական անձանց համար անբարենպաստ պայմաններ ստեղծել», - ասաց Արամ Վարդևանյանը:

Աժ փոխնախագահ Արշակ Հակոբյանն էլ, արձագանքելով Վարդևանյանին, հայտարարեց, թե Հայաստանում հիմա բիզնեսմենները երջանիկ են.

«Բիզնեսմենները երջանիկ են, քանի որ այլևս հարկային վարչարարաության քաշքշուկների մեջ չեն ընկնում, ինչպես նախկինում»:

Աղբյուր` Փաստինֆո