Փաստ ինֆո

Ժողովուրդ, դուք վերջն եք, սենց բան գոյություն չունի: Այս մասին ԱԺ-ում հայտարարեց ՔՊ-ական պատգամավոր Վաղարշակ Հակոբյանը՝ արձագանքելով Երևան-Ստամբուլ չվերթների վերաբերյալ ընդդիմադիր պատգամավորների հայտարարություններին:

Վաղարշակ Հակոբյանը հայտարարեց, որ Երևան-Ստամբուլ չվերթը նախաձեռնվել է 2003 թվականին, առաջին չվերթը տեղի է ունեցել հոկտեմբերի 16-ին Ռոբերտ Քոչարյանի նախագահության ժամանակ:

Նա մանրամասներ ներկայացրեց այդ չվերթին՝ նշելով, որ առաջին չվերթը նախաձեռնվել է ստամբուլյան ավիաընկերության և հայաստանյան «Բագրատ տուր» ընկերության կողմից: Չվերթը կանոնավոր կերպով գործել է մինչև 2015-2016 թվականը, իսկ 2016 թվականին հայաստանյան շուկա է մտել թուրքական «Աթլաս Ջեթ» ընկերությունը: Ձեռք է բերվել երկկողմ համաձայնություն, որ դեպի Ստամբուլ թռել է հայկական ընկերությունը, և դեպի Երևան՝ թուրքական ընկերությունը.

«Սա շարունակվել է մինչև 2019 թվականը, այնուհետև մնացել է միայն թուրքական ավիաընկերությունը՝ դեպի Երևան:Այս փոքրիկ ուսումնասիրությունը ես կատարեցի ընդամենը 15 րոպեում: Պարզվեց «Անրիվա տուր»-ը պատկանում է պատգամավոր Հռիփսիմե Ստամբուլյանին, պարզվեց, որ նա գումար է վաստակել ՀՀ քաղաքացիներին Թուրքիա տանելով: Երեսպաշտության բացառիկ օրինակ, սա խայտառակություն է, ես չգիտեմ, թե դուք ինչ եք անում: Պատկերացնո՞ւմ եք՝ եթե կես ժամ զբաղվենք ձեզանով, տակը ինչ է մնալու, չի՛ կարելի, վերջացրեք, անհարմար է», - ասաց Վաղարշակ Հակոբյանը՝ արձագանքելով ընդդիմադիրներին:

Աղբյուր` Փաստինֆո