Փաստ ինֆո

«Քաղաքացիական խմբակցության» պատգամավոր Հայկ Սարգսյանն առաջարկում է պատերազմում զոհված զինվորներին տրամադրվող փախհատուցման շահառուների ցանկում ներառել նաև զինվորների հարազատ եղբորը, քրոջը, ինչպես նաև պապին ու տատին:

Պատգամավորը նշեց, որ գործող օրենքով պատերազմում զինծառայողի զոհվելու կամ անհայտ կորած ճանաչվելու դեպքում շահառու են հանդիսանում զինծառայողի կինը, զավակները և ծնողները.

«Ինձ հայտնի են դարձել 16 դեպք, երբ հայրենիքի համար իրենց կյանքը զոհաբերած հայրենակիցները չունեն կին, զավակներ, միևնույն ժամանակ չունեն նաև ծնողներ:

Այս 16 զինծառայողների մասով հատուցում չի տրամադրվել ընտանիքի որևէ անդամի, սակայն իմ ուսումնասիրությունները ցույց են տալիս, որ բոլոր այս 16 զինծառայողներն ունեն հարազատ քույր, եղբայր տատ և պապ»,-ասաց պատգամավորը:

Նա առաջարկում է այն դեպքերում, երբ զոհված զինծառայողը չունի կին, զավակներ, միաժամանակ չունի նաև ծնողներ, շահառու ճանաչել զինծառայողների հարազատ քույրերին, եղբայրներին կամ տատերին և պապերին.

«Մեր պարտականությունն է այս հայրենակիցների մասով նույնպես հատուցում տրամադրել և և նրանց ընտանիքի անդամներին գումար տրամադրել»,-ասաց Հայկ Սարգսյանը և մանրամասնեց, որ հատուցման գումարը բաշխվելու է հավասարաչա.

«Եթե զինված զինծառայողն ունի երկու եղբայր, նրանցից յուրաքանչյուրը կստանա միանվագ 5 մլն դրամ և 100 հազար դրամ՝ առաջիկա 20 տարիների ընթացքում»,-ասաց նա:

Աղբյուր` Փաստինֆո