Փաստ ինֆո

Մենք դեմ չենք հայ-թուրքական հարաբերությունների կարգավորմանը։ Խնդիրն այն է, թե ինչ գնով և ինչի հաշվին է դա լինում։ Խորհրդարանում լրագրողների հետ ճեպազրույցի ժամանակ ասաց ԱԺ փոխնախագահ Իշխան Սաղաթելյանը։ 

ԱԺ փոխնախագահը գտնում է, որ գործող իշխանությունները նույնիսկ ամենամեծ ցանկության դեպքում ի վիճակի չեն պաշտպանել ՀՀ շահերը։ Իշխան Սաղաթելյանը նշում է, որ նախկինում բանակցություններ են եղել նաև Ադրբեջանի հետ, բայց զիջումներ և կորուստներ չենք ունեցել։

«Թուրքիան նույն Թուրքիան է, բայց Հայաստանը պատերազմից հետո այլևս նույն Հայաստանը չէ։ Հետևաբար իրենք երկիրը տանում են նոր, վտանգավոր ցիկլի մեջ։ Եթե առաջինի դեպքում իրենց բանակցությունների արդյունքում ունեցանք Արցախի տարածքների մեծ մասի կորուստ, այս պարագայում արդեն Հայաստանի գոյությունն է դրվում հարցականի տակ»,-նշեց ԱԺ փոխնախագահը։

Դիտարկմանը, իշխանությունների խոսքով Ռոբերտ Քոչարյանը 2007թ.-ին գաղտնի բանակցում էր Թուրքիայի հետ, Իշխան Սաղաթելյանը նշեց, որ անկախ նրանից ՀՅԴ-ն եղել է ընդդիմություն, թե իշխանության մաս է կազմել, իր հարցերի և տեսակետների մեջ երբեք փոփոխություն չի եղել։

«Դաշնակցությունը գաղափարախոսություն, ծրագիր և կարմիր գծեր ունեցող կուսակցություն է»,-ասաց Իշխան Սաղաթելյանը։
Հարցին՝ տեղյա՞կ են եղել այդ բանակցությունների մասին, Իշխան Սաղաթելյանն ասաց, որ երբ իմացել են այդ մասին, արտահայտել են իրենց դիրքորոշումը։

«15 րոպեի մեջ որոշում ենք ընդունել, վայր դրել բոլոր պաշտոնները, դուրս ենք եկել և պայքարել այդ օրակարգի դեմ։ Անցնող 30 տարվա ընթացքում ըմբռնումով ենք մոտեցել ՀՀ քաղաքականությանը՝ առանց նախապայմանների Թուրքիայի հետ բանակցություններ վարելու իմաստով։ Որևէ զիջում, որևէ նախապայմանի բավարարում մեր կողմից անհանդուրժելի է և կապ չունի, թե որ իշխանության օրոք կլինի։ Ռոբերտ Քոչարյանի օրոք այդ զիջումները չեն եղել»,-ասաց Իշխան Սաղաթելյ

Աղբյուր` Փաստինֆո