Փաստ ինֆո

Ես բավականին համբերատար, գուցե նաև բարեհամբյուր մարդ եմ: Ես ճիշտ լսեցի, որ այս դահլիճում ինչ-որ մեկը ինձ մեղադրեց Թուրքիայի ազդեցության գործակալ լինելու մեջ: ԱԺ-ում ասաց Ռուբեն Ռուբինյանը՝ արձագանքելով «Հայաստան» խմբակցության պատգամավոր Ագնեսա Խամոյանին, որն իր ելույթում հիշեցրել էր, որ ԱԺ դահլիճում բազմիցս խոսք է գնացել Ռուբեն Ռուբինյանի՝ Թուրքիայի ազդեցության գործակալ լինելու մասին.

«Ուրեմն լսեք ինձ, տիկին Խամոյան ու ձեր ամբողջ խմբակցություն, այստեղ որևէ մեկը կա՞, որ կարող է կանգնի ու իմ դիմաց ասի, որ ես ազդեցության գործակա՞լ եմ, այդպիսի մարդ այստեղ չկա ու չի կարող լինել», - հայտարարեց Ռուբինյանը և նշեց, որ դա անհիմն պնդում է:
«Ի պատասխան դրա, ես կարող եմ մի կողմ դնել իմ ամբողջ համբերատարությունն ու բարեհամբյուրությունը, և ասեմ կամ անեմ բաներ ձեր հետ»:
Ռուբինյանին արձագանքեց՝ «Հայաստան» խմբակցության պատգամավորներից մեկը՝ «դե փորձի»:
Ռուբեն Ռուբինյանն էլ ասաց, որ մյուս անգամ իր հետ «դու»-ով չխոսեն.

«Սրանից հետո իմ հետ «դու»-ով չխոսաս, հանգստացեք բոլորդ ու իմացեք, թե որտեղ եք, ինչ եք խոսում ու ում մասին»,-ասաց նա՝ հորդորելով Սեյրան Օհանյանին և Արծվիկ Մինասյանին՝ «կարգի հրավիրեք ձեր խմբակցության անդամներին»:

Աղբյուր` Փաստինֆո