Փաստ ինֆո

Ադրբեջանագետ Արմինե Ադիբեկյանը ֆեյսբուքի իր էջում տեղեկացրել է, որ գտել է միջազգային մաթեմատիկական օլիմպիադայի մասնակից Վահան Քերոբյանի գրանցած արդյունքները, որոնք մեղմ ասած տպավորիչ չեն։

«Գտել եմ միջազգային մաթեմատիկական օլիմպիադայի արդյունքները, որտեղ մեր Քերոբյան-Պերելմանը... այսպես ասած չի փայլում։

175 հայ մասնակիցներից այդ տղան արդյունավետության ընդհանուր հաշվարկում զբաղեցնում է 163-րդ տեղը։

Լուծված խնդիրների քանակով՝ 171-րդ տեղ, 3 լուծված խնդիր։ Համեմատության համար առաջին տեղը զբաղեցրել է Վահե Փոլադյանը՝ 34 խնդիր։

Բացարձակ մեծությամբ՝ 339։ Համեմատության համար առաջին տեղն է զբաղեցրել Ներսես Սրապիոնյանը՝ 511։

Տոկոսով՝ 17,96%։ Համեմատության համար առաջին տեղը զբաղեցնում է Արթուր Բարխուդարյանը՝ 93,45%։
Եթե այդպես է, կարող էիք այս տղաներին հրավիրել վարչապետի կամ էկոնոմիկայի նախարարի պաշտոնների»,- գրել է Ադիբեկյանն ու հրապարակել աղյուսակը։

Հավելենք, որ Ադիբեկյանն այս գրառումն արել է Վահան Քերոբյանի հրապարակումից հետո, որին կից նա նաեվ լուսանկար էր հրապարակել։

«Իմ դեմքը, երբ Հայաստանը միջազգային մաթեմատիկական օլիմպիադայում ներկայացրած և ԵՊՀ մաթեմատիկայի ֆակուլտետը գերազանցության դիպլոմով ավարտած մարդուն համբակները (թերուսները) ծաղրում են "սխալ հաշվարկների համար" ։)

Հ.Գ. իմ ավարտական դիպլոմայինը մաթտրամաբանության չլուծված խնդրի լուծում էր»,- գրել էր Վահան Քերոբյանը։

Ադիբեկյանը մեկ անգամ չէ, որ թեմայի մասին գրառում է արել ֆեյսբուքում։ Նա մասնավորապես հավելել է.

«Հա, կստածի, ռազ ուժ խոսքը մաթեմատիկայից գնաց՝ մեկը կասի՝ դա ո՞նց ստացվեց, որ Խծաբերդը հանձնեցին Քերոբ-Պերելմյանին այնտեղից հանելուց հետո։ Մեծն մաթեմատիկոսը եկավ Երեվան ու Խծաբերդը ընկավ, իսկ տասնյակ տղերք օգնության տեղը ստացան գերություն։ Քերոփիկ, մաթեմատիկորեն պատմի, ոնց տենց ստացվեց»։

Աղբյուր` Փաստինֆո