Փաստ ինֆո

«Երկրի զարգացման խաղաղ օրակարգ բացելու համար մեզ ամուր նյարդեր են պետք»,- կառավարության նիստում հայտարարեց ՀՀ վարչապետ Նիկոլ Փաշինյանը, հավելելով, որ Հայաստանը շարունակում է սահմանին զոհեր ունենալ։ Փաշինյանը՝ սահմանային լարվածության և զոհերի մասին խոսելիս նշեց, որ առաջնահերթ խնդիրներից մեկը երկրի պաշտպանունակությունը բարձրացնելն է։

«Ցավոք, մենք շարունակում ենք միջադեպեր ու զոհեր ունենալ սահմանին։ Մեր քաղաքականությունը մենք հռչակել ենք, այն քաղաքականության ծրագրում արտահայտված է, որ մեր երկրի առաջնահերթ խնդիրներից մեկը մեր երկրի պաշտպանունակությունը բարձրացնելն է։ Բայց նաև մյուս կողմից ասել եմ, որ մեր հռչակած` մեր երկրի և տարածաշրջանի համար խաղաղ զարգացման օրակարգ բացելու համար մեզ ամուր նյարդեր են հարկավոր, որովհետև շատ-շատերն անընդհատ փորձելու են ապացուցել կամ ցույց տալ, մղելմեզ այն մտքին, որ դա հնարավոր չէ»,– ասաց Փաշինյանը` հավելելով, որ կառավարությունը հետևողականորեն շարժվելու է իր հռչակած ճանապարհով։

«Պետք է ամեն ինչ անենք, որ մեր երկրի շուրջ ձևավորվի կայուն ու անվտանգ միջավայր»,– ասաց Փաշինյանը, նշելով, որ դա քաղաքական կարևոր անելիքն է, այդ օրակարգը հետևողականորեն առաջ են մղելու։

Աղբյուր` Փաստինֆո