Փաստ ինֆո

Ես գործող քաղաքապետն եմ, այո ես՝ ինքս այնպես արեցի, որ այս խեղկատակությունը տեղի չունենա վարչական շենքում։ Այս մասին լրագրողների հետ զրույցում հայտարարեց Վարդենիսի համայնքապետի ՔՊ-ական թեկնածու Արամ Մելքոնյանը՝ անդրադառանալով հարցին, թե ինչո՞ւ թույլ չէր տալիս ավագանու ընդդիմադիր անդամին երդմնակալության արարողությունն անցկացնել շենքում։

«Դեկտեմբերի 30-ի խեղկատակությունը դատարանում վարույթ է ընդունվել։ Արձանագրություն չկա, առաջին նիստ չի կայացել երբևիցէ, ընթացքից կտեսնեք»,- մանրամասնեց նա։

Անդրադառնալով հարցին, թե ինչո՞ւ է ինքը կարմիր բերետավորների հետ շրջում համայնքապետարանի շենքի մոտ, Մենլքոնյանն ասաց, որ ոչ ոքից չի վախենում։

«Եկեք սադրիչ հարցեր չտանք, ես հասկանում եմ որոշ լրագրողական միջոցների հայացքները։ Եկեք հասկանանք մի բան՝ ՔՊ-ն Վարդենիսում բացահայտ առավելությամբ ձայներով հաղթանակ։ Այն ձայները, որոնք տարան ընդդիմությունը խաբեբայությամբ մարդկանց խաբեցին, մեկը մյուսին միանալու կարիք չուներ, դա ամոթ է»,- ասաց Մելքոնյանն ու հայտարարեց, որ չի ընդունում այն փաստը, որ ընդդիմադիրները դաշինք են կազմել, որով մանդատները թիվը ստացվել է ավելին, քան ՔՊ-ինն է։

Արամ Մելքնոյանը նշեց՝ լրագրողներին սպասում էր երեկ, ուստի չի պատասխանի հարցին, թե ինչո՞ւ չեն մասնակցել դեկտեմբերին ընդդիմության հրավիրված նիստին և այսօր էլ չեն ընդունում նորանշանակ համայնքապետին։ Հարցազրույցից հետո էլ Մելքոնյանը մուտք գործեց քաղաքապետարանի շենք։

Հիշեցնենք, որ ընդդիմությունը, Վարդենիսում ձեւավորված դաշինքի արդյունքում, ունի ձայների մեծամասնություն ու  դեկտեմբերի 30-ի Վարդենիսի ավագանու նիստի ժամանակ ընդդիմադիր «Միասնական Վարդենիս» և «Ահարոն Խաչատրյան» խմբակցությունների 14 անդամները՝ 14 կողմ, զրո դեմ, զրո անվավեր ձայներով համայնքի ղեկավար ընտրեցին Ահարոն Խաչատրյանին, որի երդմնակալության արարողությունա տեղի է ունեցել այսօր` համայնքապետարանի բակում, քանի որ ոստիանները թույլ չտվեցին, որ ընտրված ավագանիները մտնեն համայնքապետարանի շենք:

Աղբյուր` Փաստինֆո