Փաստ ինֆո

Ակտիվ դիվանագիտական աշխատանքի շնորհիվ տեսնում եմ հնարավորություն՝ ինչ-որ բան այս իրավիճակում փրկել։ Մամուլի ասուլիսի ժամանակ այս մասին հայտարարեց ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը։

Նրա խոսքով՝ այս իշխանությունը չի էլ փորձելու դա անել, և իրենցից սպասելիքը զրոյական է։

«Իմ առաջարկն է հնարավորություն տալ այն մարդկանց, որոնք իրենց ամբողջ կյանքով ցույց են տվել, որ այլ կերպ են մտածում։ Այդ ճանապարհը շատ բարդ է լինելու, առանց կորստի չի լինելու, բայց որոշ ուղղություններով ի վիճակի ենք ինչ-որ բան շտկել։ Նաև Արցախի կարգավիճակի հետ կապված։

1998թ․-ին համեմատենք, թե ինչ բանակցային ժառանգություն ենք ստացել և 2008թ․-ին։ Ես հասկանում եմ, թե ինչ է պետք անել։ Չեմ կարող երաշխավորված, 100 տոկոսով ասել, որ սրան ենք հասնելու, բայց տեսնում եմ քայլերի հերթականություն, որով կարելի է ինչ-որ բան անել, իսկ այս իշխանությունը չի էլ փորձելու»,-ասաց երկրորդ նախագահը։

Աղբյուր` Փաստինֆո