Փաստ ինֆո

Փարաքար համայնքում բնակիչներն իրենց խաբված են զգում, պնդում են՝ համայնքապետի ընտրություններում տված իրենց ձայները կեղծվում են, իսկ նորընտիր համայնքապետ Վալոդյա Գրիգորյանին, որը ընտրության արդյունքներով ստացել է բնակիչների ձայների առավելագույն քանակը, չեն թողնում ստանձնի համայնքապետի իր պարտականությունները, ոստիկանները փակել են համայնքապետարանի մուտքը՝ թույլ չտալով համայնքապետին ներս մտնել.

«Գոռում են արդարություն, լրիվ հակառակն են անում, պառակտում են ժողովրդին, ինչո՞ւ է ոստիկանը փակում ընտրված ղեկավարի մուտքը համայնքապետարան» ,-ասաց քաղաքացներից մեկը, մյուսն էլ հավելեց.

«Իրենք հենց առաջի օրվանից մարդկանց մեջ խտրականություն են դրել, բայց մենք այդ խտրականությանը վերջ կտանք,քոքից կհանենք, ոչ մեկը չի կարող մեր քվեները գողանալ»:

Բնակիչները նաև դժգոհություն հայտնեցին համայնքապետի մյուս թեկնածու Դավիթ Մինասյանից, որը դաշինք է կազմել ՔՊ-ի հետ և շեշտեցին՝ եթե նախապես իմանային, որ վերջինս միանալու է ՔՊ-ին, նրան ձայն չէին տա:Ինչպես հայտնի է՝Փարաքար խոշորացված համայնքում միանգամից երկու թեկնածու՝ «Դավիթ Մինասյան» դաշինքի համայնքապետի թեկնածու Դավիթ Մինասյանը և «Ապրելու երկիր» կուսակցության թեկնածու Վալոդյա Գրիգորյան հայտարարել են, որ ընտրվել են համայնքի ղեկավար: Այսօր նախատեսված էր երկու թեկնածուների երդմնակալության արարողությունը: Ոստիկանները փակել են համայնքապետարանի մուտքը և թույլ չեն տվել Վալոդյա Գրիգորյանին մտնել համայնքապեարան, բնակիչներն էլ Փարաքարում ճանապարհ են փակել՝ ոստիկաններից պահանջելով բացել համայնքապետարանի մուտքը:

Աղբյուր` Փաստինֆո