Փաստ ինֆո

«Բարգավաճ Հայաստան» կուսակցության առաջնորդ, ՀԱՕԿ նախագահ Գագիկ Ծառուկյանը հանդիպում է ունեցել ծանրամարտի աշխարհի առաջնությունից վերադարձած Հայաստանի հավաքականի մարզչական կազմի հետ: 

«Քննարկվել են մրցաշարի ժամանակ առաջ եկած խոչընդոտները, ինչպես նաև խնդիր է դրվել հավաքականի գլխավոր մարզչի առջև վերանայել մարզումների գործընթացն ու բարելավել ծանրորդների հետ անհատական աշխատանքը:

Հայկական ծանրամարտը միշտ էլ եղել է բարձունքում, մենք միշտ կարողացել ենք հաղթահարել բարձր նշաձող և ոչ մի դեպքում չպետք է թուլացնենք մեր դիրքերը»,- ֆեյսբուքյան իր էջում հայտնել է Գագիկ Ծառուկյանը՝ կից հրապարակելով տեսանյութ, որից երևում է, որ քննարկումը բավականին թեժ է եղել։ Մասնավորապես, Գագիկ Ծառուկյանը հանդիպման ընթացքում պարզաբանումներ է պահանջել, թե ինչու մեդալ չեն բերել։

«Միշտ առաջինն եք եղել, միշտ ազգի պատիվը բարձր եք պահել, ապրեք, բայց այս վերջին աշխարհի առաջնությունում ի՞նչ կատարվեց։

Պայմանավորվածություն ունեինք, որ դուք գնում եք թիմային՝ առաջին տեղում լինելու, մեդալ բերելու համար։ Պետք է այսօր պատասխան տաք սրա համար, թե ինչ կատարվեց, եղբայր ջան։ Այսօր պետք է քննարկենք, թե ինչն էր պատճառը, ով է մեղավոր, ով է պատասխան տալու։ Մենք դրան չենք սպասել, եղբայր»,- ընդգծեց  Ծառուկյանը։

Մանրամասները՝ տեսանյութում

Աղբյուր` Փաստինֆո