Փաստ ինֆո

Նոյեմբերի 16-ին ադրբեջանական ագրեսիայի հետևանքով գերեվարված ևս 10 ռազմագերիներ վերադարձել են հայրենիք։ Նրանցից երկուսը` Գալստյան Հրաչիկը և Պետրոսյան Սևակը Գյումրիից են։ Վերադարձած զինծառայողներից մեկն էլ Լոռու մարզից է՝ Դեբետ համայնքից։ 1974 թվականին ծնված պայմանագրային Կարլեն Ստեփանյանն արդեն տանն է՝ ընտանիքի հետ։ Նա ամուսնացած է, ունի մանկահասակ երեխա։ 

Գերության մեջ արդեն ավելի քան մեկ ամիս շարունակում է մնալ եւս շիրակցի, որին նոյեմբերի 16-ին հարազատները ճանաչել էին ադրբեջանական կողմի տարածած լուսանկարներից և տեսանյութերից։ Գերեվարված զինծառայողի կինը «Փաստինֆո»-ին տեղեկացրել է, որ հույս ունեն՝ մի քանի օրից տուն կվերադառնան գերության մեջ գտնվող նաեւ մյուս զինծառայողները։

«Հուսով ենք, որ մինչև ամսի 25-ը ամենաուշը գալու են, որովհետև խոսվում է այդ մասին։ Հիմք չկա իրենց այնտեղ պահելու, հնարավոր է մինչև ամսի 25-ը վերադառնան։ Ասում են՝ էս անգամ 11 հոգի են մնացել, բոլորին բերելու են»։

Գերեվարվածի կինը նշեց, որ վերադարձած շիրակցիներից մեկը երեկ երեկոյան արդեն տանն էր, անգամ հեռախոսով է խոսել նրա հետ, հասցրել տեղեկանալ ամուսնու մասին։

«Ես խոսել եմ իր հետ՝ ամուսնուս հետ է եղել, մի տեղում են նստած եղել։ Միայն իմացել ենք ինչպես է ինքը ու ուրիշ ոչ մի բան։ Երեկոյան 12-ին խոսել եմ իր կնոջ, ապա իր հետ։ Ամուսնուս մասին ասաց, որ լավ է, նորմալ է, ուրիշ ոչ մի բան»։

Հիշեցնենք, որ դեկտեմբերի սկզբին Կարմիր Խաչի ներկայացուցիչները այցելել էին Բաքվում գտնվող ու իշխանությունների կողմից հաստատված բոլոր ռազմագերիներին, առաջին անգամ այցելել էին նաև նոյեմբերի 16-ին գերեվարվածներին, օգնել կապ հաստատել հարազատների հետ։

Նշենք, որ մեկ ամսից է անցել, ինչ նոյեմբերի 16-ին ադրբեջանական ագրեսիայի հետևանքով գերեվարվել էին 32 զինծառայողներ, որոնցից նախ մեկը, ապա 10-ը վերադարձել էին դեկտեմբերի 4-ին։ Նախօրեին հայրենադարձվել է ևս 10 զինծառայող։ Բաքվում շարունակում են պահվել նույն օրը գերեվարված 11 զինծառայող։

Աղբյուր` Փաստինֆո