Փաստ ինֆո

Հայ զինվորները կասեցրել են ադրբեջանցիների հերթական սադրանքները Վերին Շորժայում, հակառակորդը փախուստի է դիմել:

Վերին Շորժայի համայնքապետ Արտյոմ Երանոսյանը «Փաստինֆո»-ին պատմեց, որ ադրբեջանցիները երեկ փորձել են Վերին Շորժայի հատվածում տեխնիկայով շինարարական աշխատանքներ կատարել, ինչպես նաև տանել խոցված շինտեխնիկան, սակայն հայկական կողմը կասեցրել է նրանց գործողությունները, կրակոցներ է արձակել, ինչից հետո հակառակորդը փախուստի է դիմել.

«Մերոնք խփում, «սատկացնում» էին, ադրբեջանցիները հազիվ փախան: Առաջին տրակտորը ամսից ավել է մեզ մոտ է, բերել էին աշխատանք անելու համար, մերոնք խոցել էին, հիմա նորից երկրորդ տրակտորն էին բերել, որ նրա գործը շարունակի, ու առաջին խոցված տրակտորն էլ տանի, բայց մերոնք չթողեցին:

Տեխնիկան աշխատելուց է եղել, բայց մերոնք չեն թողել, տեխնիկայով ուզեցել են ճանապարհ «դզեն», մերոնք կասեցրել են աշխատանքը, երկրորդ տրակտորն էլ խփել են: Ադրբեջանցիներն էլ են կրակել , բայց մերոնք՝ ավելի շատ, հետո նրանք «ձենները» կտրեցին»,-ասաց Արտյոմ Երանոսյանը:

Համայնքապետի հաղորդմամբ՝ այսօր ողջ օրը Վերին Շորժայում հանգիստ է եղել, միջադեպեր չեն արձանագրվել:

Աղբյուր` Փաստինֆո