Փաստ ինֆո

Օգտվելով Նարեկ Սամսոնյանի ապօրինի ձերբակալումից՝ փորձ է արվում հանրությանը ներկայացնել իրադարձությունների վարկած, որը խիստ միակողմանի է, ընդ որում՝ որոշ դեպքերում ներկայացվում է կիսաճշմարտություններ, որոշ դեպքերում՝ առհասարակ իրականությանը չհամապատասխանող երևույթներ։ Այս մասին ֆեյսբուքյան ուղիղ եթերում ասաց պաշտպան Ռուբեն Մելիքյանը՝ արձագանքելով Էդմոն Մարուքյանի հայտարարություններին։

Մելիքյանը նշեց, որ ավելի վաղ իր հրապարակային խոսքում հնարավորինս ձեռնպահ է մնացել «Լուսավոր Հայաստան» կուսակցության ղեկավարի, Դավիթ Խաժակյանի մասով հատվածից՝ նույնիսկ երբ ներկայացնում էր իրավիճակը, թե ինչպես են ցուցադրական, գետնին փռելով և նկարելով բերման ենթարկել Սամսոնյանին, թեև վերջինս պատրաստվում էր ներկայանալ վարույթ իրականացնող մարմին։

Մելիքյանը նշեց, որ Նարեկ Սամսոնյանի կողմից հայտնի գրողի անունը հիշատակելը պայմանավորված է եղել ի պատասխան իր հասցեին արված զրպարտչական, ծաղրական, խիստ վիրավորական գրառումներին, որոնք առկա են Խաժակյանի ֆեյսբուքյան էջում։

«Իրենք ոչ թե իրենց համար հանգիստ նստած էին, ոչինչ չէին անում, Նարեկ Սամսոնյանն էլ նման բան է ասել»,- նշեց Մելիքյանը՝ հավելելով, որ ինքը ևս մասնակցել է Սամսոնյանի և «ԼՀԿ» ներկայացուցիչների հանդիպմանը, որի ժամանակ ասել է, որ իր պատկերացմամբ՝ ծանր վիրավորանքի հարց բարձրացնելը հեռանկար չունեցող գործ է։

Աղբյուր` Փաստինֆո