Փաստ ինֆո

Մի հարց եմ ուզում հրապարակավ հղել իմ նախկին ոչ բարով պաշտպանյալներից մեկին՝ հիշում ե՞ս, որ քո կալանքը վերահաստատում էին, այնուհետև երկարացնում, մենք քեզ ասում էինք, որ դատավորներին ցուցում է տրված և կալանքի հարցի քննությունը լրիվ ձևական բնույթ է կրում: Դու էլ կատաղում էիր անզորությունից, ամպագոռգոռ հայտարարում, որ այդ համակարգը պետք է վերացնել: Համակարգը, լավ թե վատ, զարգացավ, իսկ դու դարձար իրական հրեշ: Փաստորեն դու կատաղում էիր ոչ թե անարդարությունից, այլ այն հանգամանքից, որ այդ հանցավոր ցուցում տալու իշխանությունը քո ձեռքում չէ: Այս մասին ֆեյսբուքյան իր էջում գրել է փաստաբան Տիգրան Աթանեսյանը։ 

««Կալանավորող» դատավորների ինստիտուտի ներդրմամբ գրեթե զրոյացվեց հնարավորությունը քննության այդ փուլում կանխելու քննչական մարմինների ապօրինությունները:

Այդ ինստիտուտը ստեղծվեց հենց այդ նպատակով՝ բառիս բուն իմաստով դատական համակարգից անտեղյակ մարդկանց մեկ ամիս «վերապատրաստելով» դարձրեցին դատավոր և նրանք փաստացի կատարում են բոլոր տեսակի ապօրինի ցուցումները:

Նույնը կարելի է ասել վերաքննիչ քրեական դատարանի մասին, որտեղ բոլոր հարգված դատավորները մեկուսացվել են կալանավորման դեմ բողոքների քննությունից:

Մի հարց եմ ուզում հրապարակավ հղել իմ նախկին ոչ բարով պաշտպանյալներից մեկին՝

Հիշում ե՞ս, որ քո կալանքը վերահաստատում էին, այնուհետև երկարացնում, մենք քեզ ասում էինք, որ դատավորներին ցուցում է տրված և կալանքի հարցի քննությունը լրիվ ձևական բնույթ է կրում: Դու էլ կատաղում էիր անզորությունից, ամպագոռգոռ հայտարարում, որ այդ համակարգը պետք է վերացնել: Համակարգը, լավ թե վատ, զարգացավ, իսկ դու դարձար իրական հրեշ: Փաստորեն դու կատաղում էիր ոչ թե անարդարությունից, այլ այն հանգամանքից, որ այդ հանցավոր ցուցում տալու իշխանությունը քո ձեռքում չէ: Հիմա քո ձեռքում է և դու դարձար ոչ թե նախկիններից շատ ավելի վատը, այլ ես պարզապես խոսք չունեմ նկարագրելու , թե դու ինչ դարձար: Բայց ճակատագիրը ունի հումորի զգացում: Հույսով եմ, կամ ավելի ճիշտ, համոզված եմ, որ քո «կալանավորող» դատավորներից մեկնումեկն է քեզ կալանավորելու և թող դա լինի հնարավորինս շուտ՝ ի փրկություն իմ ազգի»,- գրել է Աթանեսյանը։

Աղբյուր` Փաստինֆո