Փաստ ինֆո

ԱԺ նախագահ Ալեն Սիմոնյանը հայց է ներկայացրել «Հայաստան» խմբակցության պատգամավոր Արեգնազ Մանուկյանի դեմ՝ սուտ խոսելու հետ կապված: Այս մասին ԱԺ-ում հայտարարեց Ալեն Սիմոնյանը.

«Տիկին Մանուկյանը վերջին երեք ամսում 4 նախադասություն տեքստի տարբեր տեղերում դնում և կարդում է՝ «ասֆալտ», «Հունաստան», «բուքմեյքերական գրասենյակ», մյուսն էլ չեմ հիշում, մի օր կպատմեմ հունական կղզում ձեր ղեկավարի պատմությունները, ուղղակի չեմ ուզում անձնական դաշտ մտնել: Դուք դատարանում պատասխան կտաք, և դատարանը ձեզ կպարտավորեցնի գալ և այդ նույն թղթով ներողություն խնդրել»,-ասաց Սիմոնյանը:

Անդրադառնալով իշխանությանն ուղղված մեղադրանքներին՝ ատելության խոսք տարածելու հետ կապված, Սիմոնյանն ասաց.

«Լավ, բա երբ մենք ընդդիմություն էին, ինչո՞ւ Սերժ Սարգսյանի ընտանիքի անդամները չգիտեինք, ինչո՞ւ մականունավոր պատգամավորներին մականունով հրապարակային չէինք դիմում: Հեղափոխությունից հետո, այն գաղջը, որ կար երկրում, որոշեց այն լուսավոր բանը, որ Հայասանում տեղի ունեցավ, իր գաղջով լցնի՝ մատի փաթաթան դարձնելով ինչ-որ քաղաքացիների կողմից թույլ տված խիստ բացասական դեպքը՝ դագաղներ, լենտեր, որը ես անձամբ եմ քննադատել»:

Ալեն Սիմոնյանը ընդդիմադիր պատգամավորներին նույնպես մեղադրեց ատելության խոսք տարածելու և վիրավորական արտահայտություններ անելու համար.

«Գեղամ Մանուկյանը սեռական բնույթի հայհոյանքներ է գրում ֆեյսբուքում երկարատև ժամանակ, Ագնեսա Խամոյանը մտնում է իմ և մնացած մարդկանց նկարների տակ վիրավորանքներ է գրում, հիմա դուք եկել այստեղ ու վիրավորանքից ե՞ք խոսում»,-ասաց նա:

Աղբյուր` Փաստինֆո