Փաստ ինֆո

ԱՄՆ նախագահ Ջո Բայդենը չորեքշաբթի հայտարարել է, որ առցանց բանակցությունների ժամանակ Ռուսաստանի նախագահ Վլադիմիր Պուտինին զգուշացրել է, որ ԱՄՆ վարչակազմը պատրաստ է խիստ տնտեսական պատժամիջոցներ կիրառել Մոսկվայի դեմ, եթե ՌԴ-ն ներխուժի Ուկրաինա:

Լրագրողները Սպիտակ տան մարգագետնում ԱՄՆ նախագահի հետ զրույցի ժամանակ խնդրել են մեկնաբանել երկու պետությունների ղեկավարների կայացած զրույցը: «Ես շատ շիտակ էի։ «...» Նա (Պուտինը) սիրալիր էր, բայց ես հստակ հասկացրի, որ եթե նա իսկապես ներխուժի Ուկրաինա, կլինեն լուրջ հետևանքներ, տնտեսական հետևանքներ, որոնց նմանը երբեք չի եղել», - ասել է Բայդենը։

Նա գիտակցում է, որ Ռուսաստանը պատասխան միջոցներ կձեռնարկի ԱՄՆ-ի կողմից խիստ սահմանափակումներին ի պատասխան։ Նրա անհապաղ պատասխանն այն էր, որ նա հասկանում է դա։ Եվ ես նշել եմ, որ գիտեմ, որ նա պատասխան միջոցներ կձեռնարկի», - հավելել է Բայդենը։

Նախագահի խոսքով՝ ԱՄՆ-ից հնարավոր «միջամտության» դեպքում «հավանաբար անհրաժեշտ կլինի նաեւ ուժեղացնել ներկայությունը ՆԱՏՕ-ի երկրներում, որպեսզի հանգստացնեն հատկապես նրանց, ովքեր գտնվում են դաշինքի արեւելյան ճակատում»: «Բացի այդ, ես հստակ հասկացրել եմ, որ մենք Ուկրաինային պաշտպանական հնարավորություններ կտրամադրենք», - ասել է Բայդենը:

Աղբյուր` Փաստինֆո