Փաստ ինֆո

Ալեն Սիմոնյանի հրաժարականի թեմայով քննարկում չենք ունեցել, բայց մի ճշտում մտցնեմ՝ հրապարակված տեսանյութը Ալեն Սիմոնյանի հայտարարությունը չէ այն իմաստով, որ Ալեն Սիմոնյանը ոչ մի տեղ չի կանգնել և հայտարարություն արել, դա թաքնված տեսանկարահանում է մասնավոր զրույցից։ Այս մասին ԱԺ-ում լրագրողների հետ զրույցում ասաց ԱԺ փոխնախագահ Ռուբեն Ռուբինյանը՝ անդրադառնալով ԱԺ նախագահ Ալեն Սիմոնյանի՝ գերիների վերաբերյալ հայտարարություններին.

«Գերիների թեման շատ նուրբ թեմա է, գերիներին ո՛չ պետք է հերոսացնել, ո՛չ նսեմացնել։ Մենք պետք է հաջողենք այնպիսի հանրային դիսկուրս ծավալել, որպեսզի մեր զինծառայողները հակված չլինեն առանց պայքարի գերի հանձնվել, նաև պետք է ջանք գործադրենք, որ վերադարձող գերիների արժանապատվությունը չնսեմանա, ձեզ բոլորիդ եմ խնդրում եմ այս թեման չպրիմիտիվացնել: Իմ տեսած ամբողջական տեսանյութում Ալեն Սիմոնյանն ասում է մոտավորապես նույնը, ինչ ես հիմա ասացիշ, այն, ինչ ես ասացի, կարող էի նույն բովանդակությամբ այնպես ձևակերպել, որ սկանդալային հնչեր»,– ասաց Ռուբինյանը:

Անդրադառնալով «Հայաստան» խմբակցության՝գերիների հարազատների և համապատասխան գերատեսչությունների ներկայացուցիչների միջև հանդիպումներ կազմակերպելու առաջարկությանը, Ռուբինյանը պատասխանեց .«Գերիների հարազատների հետ այս ընթացքում կազմակերպվել են մի շարք հանդիպումներ ամենաբարձր մակարդակով և ընդդիմության միջնորդությունը այդ հարցում պետք չէ»։

Աղբյուր` Փաստինֆո