Փաստ ինֆո

ԱԺ-Կառավարություն հարցուպատասխանի ժամանակ իշխող ուժի պատգամավոր Վահագն Ալեքսանյանը՝ մեջբերեց ընդդիմադիր պատգամավորներ Ագնեսա Խամոյանին և Արթուր Ղազինյանին, ովքեր հայտնում էին, թե «Զանգեզուրի միջանցքը» թուրքական աշխարհի համար նշանակություն ունի և հնարավոր է ճնշումը մեծ լինի, ուստի պատրստ է վարչապետը հրաժարական տալ, որ պատերազմ չսկսվի։ Ագնեսա Խամոյանն էլ նշում որ, թե եթե առաջնորդը վարչապետ լիներ, պատերազմ չէր լինի։

Պատգամավոր Ալեքսանյանը հետաքրքրվեց, որ եթե հայտարարում են, որ կարող է լինել աշխարհաքաղաքական մի իրավիճակ, երբ թուրքական աշխարհը կարող է չհարձակվել Հայաստանի վրա, պայմանավորվա՞ծ նրանով թե ով է ՀՀ վարչապետը։

«Հարցեր կան, որոնք խաղարկվում են դրսից և ներսից։ Չգիտեմ պրոցեսի մասնակիցների քանի տոկոսը գիտի՝ ի՞նչ է անում, բայց այն, որ մենք պետք է զգոն լինենք ու չտրվենք սադրանքնրի, կարևոր է։ Տարածաշրջանի խաղաղությունը ու կայունությունը պետք է լինի նպատակ, որին հեշտ չէ հասնել»,- պատասխանեց Փաշինյանը՝ հավելելով, որ խաղաղ դարաշրջանը միանգամից չի ստեղծվելու։

Վարչապետը նշեց, որ իրավիճակը զգայուն է, առաջնորդվում են չվնասելու սկզբունքով։ Վահագն Ալեքսանյանն էլ նշեց, որ պատգամավորներ Արթուր Ղազինյանի և Ագնեսա Խամոյանի հայտարարությունները պետք է կցել համապատասխան գործերին։

Փաշինյանը նշեց, որ ընդդիմությունը մի շարք թեզեր է ներկայացնում, կառավարության հետ ուղիղ կապի հնարավորություն ունեն, բայց այդ թեզերը չեն հնչեցվում՝ չթուլացնելու համար լարվածությունը։ Վարչապետը նշեց, որ դա հատուկ նպտակով է արվում։

«Իրենք էլ գիտեն, որ համապատասխան արձագանքը կլինի, դավադրության մասին թեզերը կթուլանան»,- ասաց վարչապետը։

Աղբյուր` Փաստինֆո