Փաստ ինֆո

Փոխվարչապետների մակարդակով ի՞նչ պայմանավորվածություններ են ձեռք բերվել և ինչի շուրջ են այս պահին բանակցում։ ԱԺ-ում ՀՀ փոխվարչապետից հետաքրքրվեց «Հայաստան» խմբակցության պատգամավոր Գեղամ Նազարյանը։

ՀՀ փոխվարչապետ Մհեր Գրիգորյանն ասաց, որ իրենք քննարկումներ են իրականացնում բացառապես երկրների իրավազորության և ինքնիշխանության շրջանակներում։

«Ճանապարհները, որոնք անցնելու են տվյալ երկրներով և որոնց շուրջ իրականացնում ենք քննարկումներ, ենթակա են լինելու տվյալ երկրի իրավազորությանը, և ենթակա են լինելու տվյալ երկրի ինքնիշխանության կանոններին»,-ասաց փոխվարչապետը։

Մհեր Գրիգորյանը նշեց, որ հաջորդ խնդիրը ենթակառուցվածքների հետ կապված տեխնիկական հնարավոր լուծումներն են, որոնք վերաբերում են երկաթգծին և ավտոմոբիլային ճանապարհներին։

«Երկաթգծի հետ կապված բավականին ընդհանուր մոտեցումներ կան, որովհետև ըստ էության մեր բանակցություններն ու քննարկումները վերաբերում են Երասխի ցորադիս գծին։ Դա ոչ միայն ինքնուրույն հատված է, այլև հնարավորություն է Երասխից Իրանի հետ կապ ստանալու, ինչպես նաև մի օղակ է, որը կապում է Վրաստանի երկաթգծի հետ ու դառնում տարածաշրջանային նշանակության ենթակառուցվածքային լուծում»,-ասաց Մհեր Գրիգորյանը։

Վերջինս նշեց, որ այն հիմնական խաղաղության մանդատը, որի մասին խոսում են, դա կստանան, որովհետև այդ ենթակառուցվածքի աշխատանքում շահագրգռված կլինեն տարածաշրջանի բոլոր երկրները։

Հարցին՝ իրենց կատարած աշխատանքը սահմանազատման ու սահմանագծման աշխատանքի հետ փոխկապակցվա՞ծ է, Մհեր Գրիգորյանն ասաց, որ այդ գործընթացներն անկախ են և դրանում որևէ կապ չկա։

Աղբյուր` Փաստինֆո