Փաստ ինֆո

«Հայաստան» խմբակցության պատգամավոր Արթուր Ղազինյանը խորհրդարանում կառավարության հետ հարցուպատասխանի ժամանակ հիշեցրեց կառավարության անդամների պնդումները, թե միջանցք չի լինելու և նշեց չորս բաղադրիչ, որոնք կարող են ապացուցել, որ կառավարությունը հաստատակամ է, որ ՀՀ տարածքով միջանցք չի լինելու։
Առաջինը, որ սահմանին կանգնելու են հայ սահմանապահները։ ՀՀ մուտք գործող ապրանքների և բեռների նկատմամբ մաքսային հսկողություն իրականացնելու են ՀՀ մաքսային ծառայությունները, ճանապարհներին տեղի ունեցած պատահարները հետաքննելու են ՀՀ իրավապահ մարմինները և բոլոր տեսակի կոմունիկացիաները կառուցվելու են ՀՀ պետական բյուջեի միջոցներից։ Փաշինյանը հայտարարեց՝ Հայաստան-Իրան սահմանին կանգնած են ոչ ՀՀ-ի սահմանապահները, հետևաբար պատգամավորի տրամաբանությամբ՝ ԻԻՀ-ից դեպի ՀՀ եկող ճանապարհը միջա՞նցք է, թե ոչ։ Մնացած կետերով համաձայնեց Ղազինյանի հետ

«Մենք կոմունիկացիաների բացում ապահովելու ենք, դրանում հետարքրված ենք և ԱԳՆ հայտարարության մեջ էլ արձանագրված է։ Հարցը ունի իրավական և լոգիստիկ հատված։ Իրավական հատվածին արդեն հրապարակային պատասխան հնչել է՝ այդ թվում ՌԴ ԱԳՆ հրապարակած տեղեկատվական նյութի առնչությամբ։ Արձանագրվել է, որ եռակողմ աշխատանքային խմբում բոլոր մասնակիցների մասնակցությամբ ձեռք է բերվել պայմանավորվածություն։ Հետևաբար, որ ճանապարհը պետք է լինի Հայաստանի սուվերենության ներքո և ՀՀ օրենսդրությամբ պետք է գործի, դա մեր ընդհանուր ընկալումն է։ Դա ՀՀ պաշոտնական տեսակետն է»։

Երթուղիների հարցը վարչապետը բաժանեց երկու մասի՝ երկաթուղային, որտեղ մեկ տարբերակ ունենք՝ Երասխ-Օրդուբադ-Մեղրի-Հորադիզ երկաթուղին, որը պետք է վերականգնվի՝ հայաստանյան հատվածը ՀՀ ներդրումների հաշվին։

Ավտոմոբիլային ճանապարհի հետ կապված մի քանի տարբերակ է քննարկվում և վարչապետը հույս ունի, որ կգան արագ լուծումների և համաձայնությունների։

Աղբյուր` Փաստինֆո