Փաստ ինֆո

ՌԴ ԱԳՆ-ն մեկնաբանել է Հայաստանի ԱԺ նախագահ Ալեն Սիմոնյանի հայտարարությունը «Լավրովի պլանի» մասին:

ՌԴ ԱԳՆ հայտարարության մեջ մասնավորապես ասվում է.

«Ռուս լրագրողների հետ զրույցի ընթացքում ՀՀ ԱԺ նախագահ, հարգարժան Ալեն Սիմոնյանը, հղում անելով «հայ հասարակության մեջ տարածված կարծիքներին», թե «Ռուսաստանը հանձնել է Ղարաբաղը», հայտարարել է՝ «Եթե որևէ մեկը պատրաստվեր որևէ բան հանձնել, կար մի քանի տարբերակ դա անելու համար, ներառյալ Լավրովի պլանը»։ Միևնույն ժամանակ ՀՀ ԱԺ նախագահը ընդգծել է, որ ոչ ոք ոչինչ չի հանձնել: Դժվար է մեկնաբանել այն, ինչը գոյություն չունի իրականում, այլ գոյություն ունի երևակայության մեջ։ Այդպիսի մտացածին իրողություններից է նաև «Լավրովի պլանը»»,- նշել են նախարարությունում

ՌԴ ԱԳՆ-ն հիշեցրել է, Լավրովի պլանը տարածքների «հանձնելու» մասին չէ, այլ Լեռնային Ղարաբաղի հակամարտության փուլային լուծման մասին է։

Ինչպես ասվում է ՌԴ ԱԳՆ հայտարարության մեջ, Լավրովյան պլանով «նախատեսվում էր Ադրբեջանին առաջին փուլով վերադարձնել հինգ շրջանները, իսկ երկրորդ փուլով՝ երկու շրջան՝ Լեռնային Ղարաբաղի (ԼՂ) կարգավիճակի պարտադիր որոշմամբ».

«Ծրագրի այլ կետերով ենթադրվում էր՝ ԼՂ բնակչության կյանքի իրավունքի լիարժեք ճանաչում, Լեռնային Ղարաբաղի ներկայացուցիչների մասնակցությունը ԵԱՀԿ Մինսկի խմբի հանդիպումներին երկու երկրների միջև շրջափակման վերացում, սահմանների բացում, ուժի չկիրառման վերաբերյալ պարտավորություն, նախատեսվում էր լուծել Լաչինի միջանցքի կարգավիճակի հարցը՝ հաշվի առնելով Քելբաջարի և Լաչինի շրջանների վերադարձն Ադրբեջանին»,- հիշեցրել է նախարարությունը։

Ինչ վերաբերում է ԼՂ կարգավիճակին, ապա մինչև 2020 թվականի աշունը բանակցային սեղանին դրված առաջարկները ենթադրում էր հետևյալը.

«ՄԱԿ-ի կամ ԵԱՀԿ հովանու ներքո՝Լեռնային Ղարաբաղի բնակչության ազատ կամարտահայտությունն արտահայտող և միջազգային իրավունքի նորմերին և սկզբունքներին համապատասխան իրավական պարտավորություն ունեցող համազգային քվեարկություն»,- հավելել են նրանք։

ՌԴ ԱԳՆ նշել է, որ թեև հետևել հայտարարությունների վերաբերյալ հնարավոր չեղավ հասնել ամբողջական համաձայնության, սակայն չմերժվեցին ո՛չ Հայաստանում, ո՛չ Ադրբեջանում.

«Փաստերը խոսուն են. բաց են թողնվել խաղաղ կարգավորման բազմաթիվ հնարավորություններ, և ոչ Ռուսաստանի մեղքով: Եվս մեկ անգամ համեմատեք համանախագահների նշված առաջարկները ստեղծված իրավիճակի հետ և հետևություններ արեք»,- նշել են նախարարությունից։

Հայտարարության մեջ ընդգծվում է, որ ՌԴ ԱԳՆ-ն մշտապես հարգել է այլ երկրների հասարակական կարծիքը, նույնիսկ եթե նրանք համաձայն չեն դրա հետ.

«Սա կրկնակի ճշմարիտ է, երբ խոսքը վերաբերում է մեր դաշնակիցներին ու բարեկամներին, որոնց թվում է Հայաստանը»,- նշել են նախարարությունից։

ՌԴ ԱԳՆ-ն հավելել են նաև, որ ցանկացած հասարակությունում կարծիքներն ու գնահատականները տարբեր են, և միտումնավոր կանխակալ դատողությունները, որոնք հաճախ քաղաքական մանիպուլյացիաների արդյունք են, կրկնօրինակվում են լրատվական տարածքում.

«Խորապես ցավալի է, որ որոշ հայ քաղաքական գործիչներ ոչ միայն չեն հերքում Ռուսաստանի կողմից Լեռնային Ղարաբաղի «հանձնման» մասին անհեթեթ մտքերը, այլ, ըստ էության, համաձայն են նման անհիմն դատողությունների հետ»,- նշել է ՌԴ ԱԳՆ-ն և հավելել. «Ռուսաստանի Դաշնության բոլոր ջանքերը, ներառյալ 44-օրյա պատերազմին վերջ տալուն օգնությունը, 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի եռակողմ հայտարարությունների ստորագրումն ու իրականացումը, խոսում են իրենց մասին»:

ՌԴ ԱԳՆ հայտարարության մեջ նշվում է նաև, որ Ռուսաստանը չափազանց շահագրգռված է օգնելու հայերին և ադրբեջանցիներին շրջել իրենց հարաբերությունների ցավոտ էջերը, նպաստել Հարավային Կովկասում խաղաղությանը, կայունությանը և բարգավաճմանը:

Աղբյուր` Փաստինֆո