Փաստ ինֆո

Տղամարդկանց եւ կանանց հոգեբանությունը մեծապես տարբերվում է: Բայց փոխհարաբերությունների հարցերում 40-ն անց մարդկանց կարծիքները, անկախ սեռական պատկանելությունից, հաճախ համընկնում են: Հարաբերություններից վախը, դրանց անհրաժեշտության կասկածները, այն անվստահությունը,որ զգացմունքները կարող են անկեղծ լինել՝ այս մտքերը անցյալի անհաջող հարաբերությունների հետեւանք են:

Արժե արդյո՞ք դատապարտել ինքներդ ձեզ միայնակության, վախենալով սխալվել, զոհաբերելով անձնական երջանկությունը հանուն երեխաների։ 40 տարեկանը ծաղկուն հասակը է, երբ արդեն բավական կյանքի փորձ կա եւ դեռ շատ երջանիկ տարիներ առջեւում են: Հարաբերություններում իրական ներդաշնակություն և անձնական կյանքում երջանկություն ձեռք բերելու ճանապարհին կարևոր է միայն ճիշտ սահմանել առաջնահերթությունները, հասկանալ, թե որ զուգընկերը ձեզ իսկապես երջանիկ կդարձնի։

Կինը 40-ից հետո ունի իր պատմությունը' ամուսնալուծված, այրի, չամուսնացած: Բոլորն էլ ունեն իրենց հանգամանքները։ Հաճախ դրանք այնքան բացասական ազդեցություն են ունենում կանանց վրա, որ հարաբերություններ կառուցելու համար կարծես թե ոչ ուժ կա, ոչ էլ ցանկություն։

Կնոջ հոգեբանությունը պարզ է եւ հասկանալի. ինքնուրույն ավելի հեշտ է։ Իսկ մասնագետները միակարծիք են՝ միայնակ կինը չի կարող երջանիկ լինել, դա հնարավոր է միայն կարճատեւ ժամանակով։ Սեփական անձի և աշխարհի հետ ներդաշնակություն ձեռք բերելու համար մեզանից յուրաքանչյուրին պարզապես անհրաժեշտ է երկրորդ կեսը։

Իրականում 40-ն անց կանանց հարաբերություններ կառուցելուն խանգարում է ոչ թե ցանկության բացակայությունը, այլ մոլորությունները, որոնցից հիմնականները հնչում են այսպես․

* 40 + տղամարդիկ զբաղված են

* այնպիսի սեր, ինչպիսին եղել է, այլեւս չի կրկնվի

* ոչ իդեալական տղամարդիկ արժանի չեն ուշադրության

* բոլոր տղամարդիկ կնամոլ են և աֆերիստ

* ինձ ոչ ոք արժանի չէ;

* տղամարդիկ խուսափում են լուրջ հարաբերություններից. դա նրանց պետք չէ։

Երկրորդ կեսին ընտրելիս կինը պետք է հասկանա, թե արդյոք ինքը լիովին ազատ է նախկին հարաբերություններից եւ, առաջին հերթին, ազնիվ լինի իր հետ: Շատ լավ է, երբ պարզ է, թե ինչ որակներ ես ցանկանում տեսնել ապագա զուգընկերոջ մեջ, իսկ ինչն էլ կտրականապես անընդունելի է։ Մարդու հետ հաղորդակցման հոգեբանությունը կյանքի այս փուլում արդեն ընդհանուր առմամբ հասկանալի է տարիների փորձի շնորհիվ, ուստի, իմանալով, թե ինչ է անհրաժեշտ փոխըմբռնման եւ ներդաշնակության համար, կյանքի ուղեկից փնտրելը շատ ավելի հեշտ է:

Շատ կանանց համար 40-ից հետո 10 կամ 15 կամ նույնիկ ավել տարիների տարիքային տարբերությունը նորմալ է: Ընտրելով երիտասարդ զուգընկերներ, այդ ինքնավստահ տիկնայք գիտեն, թե ինչ ունեն իրենք որպես առաջարկ։ Խնամված, հաջողակ, ակտիվ, հետաքրքիր, ինքնուրույն կանայք ավելի հաճախ են գրավում երիտասարդ տղամարդկանց ուշադրությունը։ Իսկ ժամանակակից կանանց շրջանում 40-45 տարեկանից հետո երեխաներ ծննդաբերելու միտումը միայն ամրապնդում է նման հարաբերությունները։

Աղբյուր` Փաստինֆո