Փաստ ինֆո

5165 շարժումը հրատապ մամուլի ասուլիս ընթացքում ներկայացրեց շարժման փողոցային պայքարի և բողոքի ակցիաներից դուրս գալու պատճառներն ու հանգամանքները։

Մեկ շաբաթ փողոցային պայքարից հետո 5165 շարժումը հայտարարեց, որ այլևս հասարակական ու քաղաքական գործիչների հետ փողոցային պայքար չեն տանելու։ Հայտարարեցին, որ պահանջում են կառավարության հրաժարականը՝ Նիկոլ Փաշինյանի գլխավորությամբ։

Շարժման առաջնորդը նշեց, որ համախմբումը անջատումով չեն սկսում։

«Մենք բոլորս պայմանավորված եկել ենք այն համաձայնության, որ համախմբման ենք գնում այդ ճանապարհով, իսկ իրենք շարունակում են այդպես։ Մենք բացարձակապես որևէ խնդիր չենք ունեցել այս ընթացքում և ինձ շատ զարմացնում է հանրության մոտեցումը, որ մենք պառակտվել ենք։ Եթե գնում ենք համախմբման, ապա ինչպե՞ս կարող ենք պառակտվել մարդկանց հետ, որոնց հետ մեկ շաբաթ ճանապարհ ենք անցել, համագործակցել ենք։ Խնդիրն այն է, որ ինչ-որ մի ուժ պետք է համախմբումով զբաղվի և փոքր տարբերություն կա այստեղ։ Իրենք ուզում են պահել հրապարակը, մենք համոզվեցինք, որ մինչև համազգային համախմբում չլինի, մենք այդ պահանջը՝ կառավարության և Փաշինյանի հրաժարականին չենք կարող հասնել։ Պառակտում չկա»,- հայտարարեց Տոնոյանը։

Շարժան ներկայցուցիչ Մենուա Սողոմոնյանը հավելեց, որ մարդկանց հետ դեմ առ դեմ հանդիպումների, ավելի հանգամանալից, երկկողմ ձևաչափի շփումներ անցկացնելու և վտանգների մասին իրենց տեսակետները մատուցելու խնդիր կա։

«Կոմունիկացիայի խնդիր նաև կա»,- ասաց Սողոմոնյանը։

Կարին Տոնոյանը նշեց, որ օրակարգով իրենց նպատակին հասել են՝ հասարակական բողոք են բարձրացրել, ազդակներ են տվել արտաքին աշխարհին այն մասին, որ Հայաստանում կան մարդիկ, որոնք դեմ են փաստաթղթին։

«Սա մենք կատարեցինք։ Հիմա երկրորդ քայլը՝ Նիկոլ Փաշինյանի հրաժարականը, որը բոլոր ուժերն են համարում, որ օրակարգի համար մեկ հարցն է։ Փաստաթուղթը չբացահայտելով բացահայտեց, թե ինչ վտանգներ են սպառնում մեր երկրին։ Մենք գնում ենք համախմբման, որ ամբողջ ուժերով կարողանանաք հասնել մեր նպատակին»,- հայտարարեց Տոնոյանը։

Աղբյուր` Փաստինֆո