Փաստ ինֆո

Դատարաններում առկա իրավիճակը ուղղակիորեն վերաբերում է Հայաստանի անվտանգության հետ կապված խնդիրներին: Խորհրդարանում ասուլիսի ժամանակ հայտարարեց «Հայաստան» խմբակցության պատգամավոր Արամ Վարդևանյանը:

Պատգամավորի արձանագրմամբ՝ Սյունիքի համայնքապետերի կալանավորումն ուղղակիորեն ազդում է Հայաստանի անվտանգային իրավիճակի:

Արամ Վարդևանյանն ընդգծեց, որ «Հայաստան» խմբակցության պատգամավոր, Սիսիանի նախկին համայնքապետ Արթուր Սարգսյանը, որին առաջադրված մեղադրանքի և ամբողջ քրեական գործի վաղեմության ժամկետի լրանալուն մնում են շաբաթներ, կրկին կալավորվում է, մինչդեռ վաղեմության ժամկետը երբ լրանում է, մարդը չի կարող կալանավորված մնալ.

«Արթուր Սարգսյանը պատերազմի ժամանակ կարողացել է ջոկատ կազմել, կարողացել է Սիսիանում ռազմավարական կարևոր դիրքեր պահել՝ ի տարբերության այս մարդկանց, որոնք բացառապես մի հարցում են հմուտ՝ հանձնելու, նահանջելու և զիջելու»,-ասաց Վարդևանյանը և հիշեցրեց, որ Արթուր Սարգսյանին կալանավորելու որոշում կայացրել է դատավոր Արմեն Դանիելյանը.

«Արթուր Սարգսյանին կալանավորողն այն մարդն է, որի պատճառով հնարավոր է մի իրավիճակի հասնենք, որ իրավաբաններով մեր դիպլոմները ճղենք , այն պատճառով, որ մենք նույն դիպլոմն ունենք՝ ինչ Արման Դանիելյանը:

Փաստաբանները ասում էին՝ երբ Արմեն Դանիելյանը փողոցով քայլելիս մարդ է տեսնում, ներքին դիսկոմֆորտի մեջ է հայտնվում, մտածում է՝ չէ՞ որ ես կարող էի այս մարդուն կալանավորած լինեի, այդ մարդուն կալանավորողը կարող էի լինել հենց ես , սա է Արմեն Դանիելյանի ֆենոմենը»,-ասաց Վարդևանյանը:

Ընդդիմադիր պատգամավորը նաև նկատեց, որ թեև գործերի բաշխման համակարգը չի գործում, սակայն կորոնավիրուսով հիվանդ Արմեն Դանիելյանին գործեր են մակարգրում.

«Հերիք չի մակարգրում են, մի հատ էլ Արմեն Դանիելյանն անում է այն, ինչ կարողանում է, ո՞նց է ստացվում, որ հենց իրեն են մակագրում, Վերաքննիչ դատարանում ուրիշ դատավոր չկա՞, ուրիշ հերոսի անուն չգիտե՞ք»,-ասաց Վարդևանյանը:

Աղբյուր` Փաստինֆո