Փաստ ինֆո

 ՀՀ վարչապետ Նիկոլ Փաշինյանն այսօրվա ասուլիսում խուսափեց պարզաբանումներ ներկայացնել, թե ինչու վերջին մեկ տարվա ընթացքում Վարդենիսից դեպի Գորիս նոր սահմանում ամրաշինական աշխատանքներ չեն կատարվել, նախօրոք չեն կառուցվել Գորիս -Կապան, Կապան-Ճակատեն այլընտրանքային ճանապարհները ու սկսեց բանակին մեղադրել քաղաքականությամբ զբաղվելու մեջ։

«Քաղաքականությամբ զբաղվող բանակն ինչի՞ պետք է իր գործով զբաղվեր: Բա երբ մարդիկ բանակին հրավիրում էի, որ գան ոչ թե սահմանով զբաղվեն, այլ կառավարությունով զբաղվեն, բա սահմանով ո՞վ էր զբաղվելու իրենց կարծիքով»,-ասաց Նիկոլ Փաշինյանը։

Վերջինս նշեց, որ 2020-ի նոյեմբերի 9-ից մինչեւ 2021-ի ապրիլի վերջ կոչեր էին անում, որ բանակը վերցնի իշխանությունը: Նիկոլ Փաշինյանի խոսքով բանակը մի մեծ տոկոսով զբաղված էր քաղաքականությամբ՝ քաղաքական հանդիպումներ, քաղաքական ինտրիգներ, ելույթներ, կոչեր, որն ի վերջո պսակվեց ԳՇ-ի հայտարարությամբ. «Բա դա անվտանգային հետեւանք չէ՞ր ունենալու»,-ասաց նա:

Վարչապետը հավելեց, որ Սյունիքում այսօր հսկայական ճանապարհաշինական աշխատանքներ են իրականացնում, անում ամեն ինչ, որ հաղթահարեն այս ճգնաժամը, բայց, ի վերջո, խոստովանեց՝ վատ է, որ չի արվել մինչեւ հիմա։

Աղբյուր` Փաստինֆո