Փաստ ինֆո

Թևակոխել ենք մի փուլ, երբ փաշինյանին իշխանության բերած հանրության մի զգալի հատված այլևս հասկացել է իր գործած սխալը, նրանց մեջ քիչ չեն այն մարդիկ, որոնք իրենց չեն ներում, ապրել չեն կարողանում, քանի որ նաև իրե՛նց մեղքն են տեսնում Հայաստանի այսօրվա վիճակի համար։ Նրանցից ոմանք խոստովանում են, որ գիտակցել են իրենց սխալը, ոմանք առավել լայն հնարավորություններ են օգտագործում՝ լայվեր անելով․ պատմելով իրենց սխալների, ստի հեղափոխությանը, նախկինների՝ կոռուպցիայի ու թալանի մասին ուռճացված լեգենդներին հավատալու և իրենց հուսախաբությունների մասին։ Այս մարդիկ այսօր իրենց նման սխալվածների համար օրինակ են հանդիսանում։

Նրանք էին, որ ընտանիքներով սատարեցին այսպես կոչված թավշյա հեղափոխությանը և նրա լիդերին հավատալով դուրս եկան բողոքի՝ հանրահավաքներ, երթեր անելով, պոպուլիստ նիկոլի հրահանգով հղի կանանց ու երեխաների միջոցով փակելով փողոցներ ու հրապարակներ՝ մերժելով Սերժին, մերժելով նախկին իշխանություններին՝ փողոցից իրենց ուսերի վրա իշխանության բերեցին պետական կառավարումից մղոններով հեռու, թրքասեր և ապազգային արարածի։

Նրանք հասկացել են, որ երկրի, պետության անվտանգությունը համեմատելի չէ որևէ կոռուպցիոն դրսևորման հետ, քանի որ եթե կորցնում ես հայրենի հողդ, եթե ապաշնորհ և դավաճան իշխանության մեղքով հազարավոր լուսավոր տղաներ են զոհվում, ազգը գաղթական է դառնում նորից, ապա այդ ամենի դեմ «կոռուպցիա» կոչվածը չնչին բան է, մանավանդ, երբ կոռուպցիայից խոսում են Հայաստանից բազմակի անգամ ավելի կոռուպցիայի մեջ թաղված պետությունների ներկայացուցիչներ։ Կոռուպցիայի մեջ խեղդրող ադրբեջանը չի՞ այսօր հենց նրանց կամոք՝ «հաղթողի դերում»․․․

Բայց փաշինյանին հեղափոխական ալիքի վրա իշխանության բերողների մի ստվար հատված կա, որ իր սխալը կրկնեց նաև ընտրությունների միջոցով, որը հաջորդել էր փաշինյանի ձեռքով ստորագրված կապիտուլյացիոն պարտությանը։ Այսինքն, սա այն հատվածն է, որ գնաց ԱԺ հունիսքսանյան ընտրություններին ու նորից ընտրեց փաշինյանին, այս անգամ՝ պարտված, հողեր հանձնած ծրագրված պարտվողական պատերազմ բեմադրելով մի ողջ սերունդ զոհաբերած, հաշմանդամ դարձրած, «անհետ կորած» և «թուրքի գերի» դարձրածին։ Այդպիսով իսկ նրա տեղը պնդացրեց․ լեգիտիմացրեց և մի ողջ ազգի կրակը գցեց։

Հիմա՝ ի սկզբանե փաշինյանին աղետ և քանդող-ավերող համարողների, դարձի եկածների, ընդհանրապես, ընդդիմադիր բոլոր ուժերի, բոլոր սթափ ու մտածող մարդկանց առջև մեկ խնդիր է դրված՝ համատեղ ուժերով հեռացնել հայության և Հայաստանի հետ կապ չունեցող, բայց՝ երեքուկես տարի՝ ՀՀ վարչապետի աթոռը զավթած չարիքին։
Գերխնդիրը՝ մեկն է․․․փրկել Հայաստանը այս չարքից։

Հեղինակ՝ Ա․Ե․

Աղբյուր` Փաստինֆո