Փաստ ինֆո

«ՀՀ-ում հակառուսական հիստերիա եթե նույնիսկ կա, դրա հեղինակը իշխող մեծամասնությունը չէ». ԱԺ-Կառավարություն հարցուպատասխանի ժամանակ հայտնեց վարչապետ Նիկոլ Փաշինյանն՝ անդրադառնալով «Պատիվ ունեմ» խմբակցության պատգամավոր Հայկ Մամիջանյանի հարցին, թե ինչու են խմբակցության պատգամավորները հակառուսական հիստերիա բարձրացնում։

Պատգամավորը հետաքրքրվեց՝ արդյոք դա վարչապետի հրահանգն է, թե ինքնագործունեություն.

«Չնայած բոլորս գիտենք, որ ձեր ֆրակցիայի մեծամասնությունը ելույթները ստանում է մեսիջներով ու առանց ձեր համաձայնության ուր մնաց ելույթ ունենան ՌԴ-ի դեմ»։

Փաշինյանը նշեց, որ եթե անգամ կան հակառուսական տրամադրություններ, հեղինակը իրենք չեն։ Վարչապետը հիշեցրեց, որ կառավարության ծրագրում գրված է, որ հայ-ռուսական ռազմավարական գործընկերությունը անվտանգության համակարգի առանցքային գործոններից է։

«ՀԱՊԿ-ը այն անվտանգության համակարգն է, որին մենք անդամակցում ենք և մենք հույս ունենք, որ ՀԱՊԿ նման իրավիճակներում նախատեսված մեխանիզմները կգործարկվեն։ Եթե դրանք գործարկվելու հետ կապված խնդիրներ կան, դրանք նախատեսվել են։ Նախկինում երբեք գործարկելու առիթ չի եղել և առաջին անգամ է ստեղծվել նման իրադրություն և մենք մանրամասն մեր գործընկերների հետ, անընդհատ քննարկում ենք և ամեն ինչ անելու ենք, որ անվտանգային մեխանիզմները աշխատեն պատշաճ ձևով, ընթացակարգով և ժամանակում»,-ասաց Փաշինյանը։

Մանրամասները՝ տեսանյութում

Աղբյուր` Փաստինֆո