Փաստ ինֆո

Կապան-Ճակատեն ավտոճանապարհին ադրբեջանական անցակետի տեղադրումը շատ լուրջ խնդիր է մեզ համար: Այս մասին լրագրողների հետ զրույցում ասել է Կապանի քաղաքապետ Գևորգ Փարսյանը.

«Այլընտրանքային տարբերակ չունենք, միայն Մեղրիով է ստացվում։ 7-8 կմ ճանապարհի փոխարեն՝ մեր քաղաքացիները պետք է անցնեն 150 կմ, որպեսզի հասնեն Կապան: Վաղվանից պետք է մտածենք 6 բնակավայրի բնակիչների մասին, պարենային ապահովման մասին»,-ասել է Փարսյանը և հավելել, որ միակ այլընտրանքային ճանապարհը Գեղանուշով ճանապարհն է, որը շատ վատ վիճակում է գտնվում և դժվարանցանելի է:

Համայնքապետը նաև ահազանգել է, որ եթե Կապան-Ճակատեն ճանապարհն ամբողջությամբ փակվի,ապա  շուրջ 6 գյուղ՝ Ճակատենը, Շիկահողը, Սրաշենը, Ներքին Հանդը, Ծավը և Շիշկերտը, որտեղ 600-700 բնակիչ կա, հայտնվում են շրջափակման մեջ և զրկվում ճանապարհից:

Հիշեցնենք, որ ՀՀ ԱԱԾ-ն այսօր հայտարարել է, թե նոյեմբերի 15-ին՝ տեղական ժամանակով ժամը 00։00-ից, Կապան-Ճակատեն ավտոճանապարհի ադրբեջանական վերահսկողության տակ գտնվող հատվածում սահմանային և մաքսային հսկողություն իրականացնելու նպատակով ադրբեջանական կողմը կտեղակայի անցակետ։

Աղբյուր` Փաստինֆո