Փաստ ինֆո

«Սա պետության նկատմամբ հանցագործություն է, որն իրականցվում է բացահայտ, հասարկությանը խաբելով, ուշադրությունը շեղելով։ Արդյունքում Սյունիքը՝ ՀՀ ռազմավարական նշանակության խաղաքարտը, Նիկոլ Փաշինյանն առանց խղճի խայթի հանձնում է»,-այս մասին մամուլի ասուլիսին հայտնեց ՀՀ ՊՆ նախկին փոխնախարար Արտակ Զաքարյանն՝ անդրադառնալով Գորիս-Կապան մայրուղու վրա ադրբեջանական մաքսակետ տեղադրելուն։ Ըստ Զաքարյանի, տեղեկությունը շատերի համար անակնկալ չէր։

«ԻԻՀ մեքենաներն են կանգնեցվում և գանձվում տարանցիկ ծառայությունների դիմաց։ Իսկ ո՞վ է որոշել, որ դա հենց Ադրբեջանը պետք է իրականացնի։ Որտե՞ղ է որոշվել, որ ինչ-որ անհայտ քարտեզներով դա ադրբեջանական տարածք է։ Վարչապետ կոչվածը դա ներկայացնում է որպես Ադրբեջանի տարածք։ Եթե չկա սահմանազատում, չկա համապատասխան աշխատանքային խմբի եզրահանգումներ, համաձայնություններ, ստորագրված փաստաթղթեր, կառավարությանը արված առաջարկներ, դրա հիման վրա ղեկավարների կողմից ստորագրված փաստաթղթեր, ԱԺ կողմից վավերացրած թղթեր, ո՞վ է որոշել, որ ադրբեջանցիներինն է տարածքը և այնտեղ պետք է իրականացնեն երկրի օրենսդրության համապատասխան մաքսային հսկումներ»։

Ըստ Զաքարյանի, վարչապետը հանձնում է կարևորագույն քաղաքական ու տնտեսական նշանակություն ունեցող Սյունիքը մի քանի պատճառով։

«Հանձնում է, որովհետև կամ այդպիսի խնդիր է դրված իր առաջ այն ուժերի կողմից, որոնք նրան բերել են իշխանության, կամ չունի բավարար գիտելիքներ և չունի քաղաքական կշիռ, որպեսզի կարողանա պաշտպանել իրեն ընտրած ժողովրդի շահերը։ Մի շարք բնակավայրեր հայտնվելու են շրջափակման կամ կիսաշրջափակման մեջ»։

Ըստ Զաքարյանի, ցավոտ իրադարձություններ են տեղի ունենում պետության կենսական շահերի հաշվին։ Պատերազմը, որ կարող էր տեղի չունենալ, փոխեց տարածաշրջանում բոլոր տիպի հավասարակշռությունները, տարածաշրջանը վերածեց անկառավարելի քաոսի, որտեղ թշնամին առանց խոչընդոտի իրեն հարմար եղանակով իրականացնում է սեփական շահերի գեներացիա՝ ՀՀ-ի հաշվին։ Զաքարյանը հավելեց, որ փոխվել է նաև խոշոր ուժային կենտրոնների վերաբերմունքը տարածաշրջանի նկատմամբ։

«Այսօր տարածաշրջանում տեղի են ունենում հյուսիս-հարավ, արևելք-արևմուտք աշխարհքաղաքական խոշոր միջանցքների բախում, իսկ սա նշանակում է՝ մեծ շահերի բախման կետում մեր իշխանությունը չի կարողանւմ գլուխ հանել, պաշտպանել երկրի շահերը, Հայաստանի վիճակը գնալով բարդանում է»։

Վերջին մեկ տարում Ադրբեջանը հեռահար ծրագրերն է իրականացնում Արցախում, փորձում շեղել Արցախի հարցի հետագա կարգավորման բոլոր հնարավորությունները, իսկ մեր իշխանությունները չեն կարողանում գտնել այն ճիշտ ժամանակը, որտեղից հնարավոր կլինի կագնեցնել Արցախը հայաթափելու գործընթացը։ 

«Միակ հենման կետը Արցախի հարցով որ ունենք՝ ՌԴ խաղաղարար առաքելությունն է և ՄԽ ձևաչափի դեռևս ֆորմալ գոյությունը»։

Աղբյուր` Փաստինֆո