Փաստ ինֆո

Անօդաչու սարքերը մեկ անգամ չէ, որ իրական մարտական պայմաններում ապացուցել են իրենց արդյունավետությունն ու նույնիսկ անփոխարինելի լինելը։ Ուկրաինան որոշել է ուժեղացնել այդ բաղադրիչը։ Իսկ Անկարան պատրաստ է նրան ամեն տեսակ աջակցություն ցուցաբերել, գրում է ՌԻԱ Նովոստին։

Մարտական դրոնների համար շարժիչների մատակարարման պայմանագրի ստորագրման մասին հաղորդագրությունը ստացվել է թուրքական Հայտնի Baykar ձեռնարկությունից՝ Bayraktar TB2 հարվածային անօդաչու թռչող սարք մշակող եւ արտադրողը, որը վերջին տարիներին լայն ճանաչում է ստացել: Տուրբոռեակտիվ շարժիչները կհասցվեն Ուկրաինական «Իվչենկո-Պրոգրես» ընկերություն, որտեղ կօգտագործվեն վերջնական արտադրանքի հետագա հավաքման համար: 4 հրթիռներով հագեցած թուրքական օպերատիվ-մարտավարական ԱԹՍ-ն կարող է օդում գտնվել մինչեւ 24 ժամ, թիրախները հայտնաբերել եւ խոցել մարտական ավիացիայից շատ ավելի արագ, ինչը նրա առավելությունն է:

Bayraktar TB2-ի կիրառումն արդեն արձանագրվել է Դոնբասում (ոչնչացվել է հաուբիցը)։ Այդ անօդաչուները կիրառվել են նաև Սիրիայում և Լիբիայում։ Որոշ քանակությամբ պատրաստի անօդաչու թռչող սարքեր Թուրքիան արդեն մատակարարել Է Ուկրաինային։ Այժմ խոսքը ամռան վերջին հայտարարված Baykar ներդրումային նախագծի մասին է Ուկրաինայում։ Այն նախատեսում Է օդատիեզերական ինժեներիայում առաջավոր տեխնոլոգիաների գիտահետազոտական կենտրոնի կառուցում, արտադրական հարթակների ստեղծում եւ դրանց վրա ԱԹՍ-ների հետագա արտադրություն:

Տեղի ունեցածը տեղավորվում է Անկարայի և Կիևի միջև ռազմական ոլորտում ձեռք բերված պայմանավորվածությունների մեջ ։ Այդ թվում՝ 2020 թվականին ստորագրված միջկառավարական համաձայնագրում։ Ուկրաինայի իշխանությունները Թուրքիայի հետ ավելի ու ավելի սերտ համագործակցություն են ակնկալում ոչ միայն անօդաչու սարքերի գծով, այլեւ շարժիչաշինության, ՀՕՊ համակարգերի զարգացման, նավերի համատեղ արտադրության հարցում:

Աղբյուր` Փաստինֆո