Փաստ ինֆո

Հնարավոր է իրականացնել վերանայումներ, հնարավոր է Սյունիքի հատվածում իրերի դասավորություները փոխել այնպես, որ ՀՀ-ն լինի իր սուվերեն տարածքի բոլոր կոմունիկացիաների վերահոսկողն ու միակ թելադրողը,- այս մասին մամուլի ասուլիսին հայտնեց ՀՀ ՊՆ նախկին փոխնախարար Արտակ Զաքարյան։

«Այն, ինչ փաստաթղթերի կետերով կատարված չէ, հմուտ քաղաքականության, նոր բանակցությունների միջոցով հնարավոր է վերանայել։ Նկատի ունեմ ինչպես Սյունիքի շուրջ՝ կոմունիկացիաների վերաբերյալ, այնպես էլ Արցախի կարգավիճակի և գերիների վերաբերյալ։ Փոխելով իշխանությունները, փոխվում է իրավիճակը Հայաստանում, գալիս է նոր հարաբերակցություն, նոր օրակարգ և դա լիարժեք իրատեսական օրակարգ է»։

Զաքարյանն անդրադարձավ Հարավային Կովկասում 3+3 ձևաչափին ու նշեց, որ այն առնվազն երկու խնդիր ունի։ Ձևաչափը դեռևս ՀՀ շահերը չի արտահայտում։ Բացի այդ, լիրաժեք տեսք չի ստացել Արցախի խնդրի կարգավորման օրակարգը և ՀՀ անվտանգային գոտին՝ սահմանազատման ու սահմանազատման գործողությունները չեն կապակցվել ԼՂ հարցի կարգավորման հետ։ Չկան հավասարակշռող այն մեխանիզմները, թե ո՞ր պարագայում ՀՀ-ն ի՞նչ փաստարկներ պետք է կիրառի։

Կա հնարավորություն իրական դաշնակցային գործողություններով շատ արագ դուրս գալ այս իրավիճակից։ Զաքարյանը նշեց, որ այսօր Փաշինյանը հայտարարություններով Ադրբեջանին փորձում է հասկացնել, որ հայ ժողովուրդը բարոյալքված ու թուլացած է.

«Իրականում այսօր Ադրբեջանի բանակը ավելի բարոյալքված, թույլ, անկարող վիճակում է։ Եթե նորմալ իշխանություն ունենայինք, նորմալ կգային, կնստեին բանակցության»։

Զաքարյանը նշեց՝ մեկ ամսում հնարավոր է վերացնել երկրի ներսում բաժանարար գծերը, մարդկանց մեջ բերել փոխադարձ հարգանք։ Անհրաժեշտ է նաև ամբողջությամբ վերանայել արտաքին քաղաքականության մեջ տեղի ունեցած ձախողումները։ Պետք է արագ մշակել ազգային անվտանգության ռազմավարություն։ Կարևոր է, որ հայ-ռուսական ռազմական հարաբերություններին նոր տեսք հաղորդել, շատ արագ ոտքի կանգնեցնել Զինված ուժերը։

«Առանց բանակի քննարկել ՀՀ հեռահար ապագան՝ անիմաստ է։ Ոչ թուրքը, ոչ ադրբեջանցին՝ ուզում եք 10 հատ խաղաղության համաձայանգիր ստորագրեք, դրանով նրանց հետ խաղաղությունը ոչ սկսվելու է, ոչ էլ՝ ավարտվելու»,- ասաց Զաքարյանը։

Աղբյուր` Փաստինֆո